رخسار حسینه پروانه منم من

عشقینون یولوندا دیوانه منم من

گلمیشم عزایه وار عشقیم بکایه

عزیز زهرایه دیوانه منم من

شکر اولا اللهه گیتمرم بیراهه

اباعبداللهه دیوانه منم من

باخمارام دنیایه پابندم ولایه

فقط کربلایه دیوانه منم من

گلمیشم عطایه منبع سخایه

حسین تک مولایه دیوانه منم من

قسمت اولسا اگر اول قبر مطهّر

سسلرم مکرّر دیوانه منم من

هجرینه یوخ دوزوم شام اولوب گوندوزوم

بودور اورک سوزوم دیوانه منم من

منِ زار و حزین هنگام واپسین

سسلرم یا حسین دیوانه منم من

نوکرم کمینه فخر عالمینه

سقّای حسینه دیوانه منم من

عاشقم اکبره شبه پیغمبره

اول مَلَک منظره دیوانه منم من

آغلارام اصغره غنچه ی پرپره

اول گل احمره دیوانه منم من

«جابری» مضطر توکر اشک بصر

یانار دلدن دیر دیوانه منم من.