حسینه یوخ بشریت ایوینده همپایه.
پنجشنبه, ۲ مهر ۱۳۹۴، ۰۲:۴۲ ب.ظ
حسینه یوخ بشریت ایوینده همپایه
منیمده عشق حسین باشیمه سالوب سایه
مسیحه عرش چهارمده اولسام همسایه
خوشام باخوب دیه لر بو گدا حسینوندی
الیمه آب حیاتی اگر مدام السام
ویا قیامته جن ئولمه سم دیری قالسام
ملک پریندن اگر چگنیمه عبا سالسام
گنه ده من دیرم ماسوا حسینوندی
صبور اول ای قلمیم بسدی کشف راز ایلمه
سوزوی پرده لی ساخلا بو قدری باز ایلمه
کلیمه دی ید بیضا چوخدا ناز ایلمه
سنون الونده ده سر عصا حسینوندی
بهشتی ویردی مکان ادمه خدای غفور
سئوندی جنت ایوینده تاپاندا فیض حضور
ندا یتیشدی بو اعزازه الما چوخ مغرور
بهشت باغلاری باشدان باشا حسینوندی
دل اهلی سن سوزومونده فرازین آل نظره
نه سوز بو خون جگر دور ساتورام اشک تره
اگر چه کعبه مقدس دی قبله دور بشره
اونا صفا یارادان کربلا حسینوندی.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.