"یخلوب عباسیم" استاد خوش نواز مرندی.

یخلوب عباسیم/

علی اکبر یاتما/ بلالی میداندا/

منی تنها قویما/ گوزل آی باتما/

اویان ا‌ی شهزاده/ بوقانلی صحراده/ منی دشمن ایچره/ اوغول آغلاتما/

بیله یاتما بوصحراده علی/

گوزون آچ گلدیم امداده علی/

آیا بنزر اوغلوم/ باتوب تشنه قانه/

یاتوب توپراق اوسته/ بلا صحراده/

باشی اوسته گویا/ یاغوب تیر وپیکان /

اولوب قانه غلطان/ گوزل شهزاده/

سایا گلمز یاره/  باتوب اوز گوزقانه/

بدن پاره پاره/ هورونموش قانه/

باشی اوسته دشمن/ وروبدی بیر یاره/ آتامی بو چولده/ سالوبدی یاده/

قان آخوب باشیندن/ دولوب یکسرگوزل/

سوسوز لبلر الوان/ اولوب قانیندن/

گوزون آچمور باخسون/

منه ورمیر بیر سس/ آلوب چولده تاب وقراری مندن/

بویارالی جسمون/ آلوب اوخلار یکسر /

نیستانه بنزیر/ یارا اعضاسی/

بدنوندن چوخ قان/ آخوبدی صحرایه/

زبس یاره ورموش/ بوچولده دشمن/

گوزون آچ ای ماه/ ملک منظر اوغلوم/

باتوبدی قان ایچره/  رخ تابانون/

سنی سالموش دشمن/ نیه بو احواله/

مگر ایتموشدین سن/ نه لر اعدایه/

داخی سویله نیلیر آتان بو دنیانی/

کول اولسون باشسنه بله دنیانون/

آپاروم اخیامه/ نجور بو اعضانی /

اله گلمور جسمون/ زبس وار یاره/

یغارام من الان/  عبایه اعضانی/ که یوخ اوغلوم آیری/ الیمده چاره/

بو غمون ای اکبر/ ایر چون قدیمی/ قوجالداربو جسمی/ علی جان ایوای/

بودی رسم عالم/ اوغول اولسه حتما/

قوجالدار آتانی/ بو غم صدباره.

شاعر: استاد خوش نواز مرندی.