" گینه یا رب اوجالیب گویلره غم مرثیه سی "
يكشنبه, ۱۹ مهر ۱۳۹۴، ۰۱:۵۹ ب.ظ
گینه یا رب اوجالیب گویلره غم مرثیه سی
گینه باشلاندی کفنسیز آغامین تعزیه سی
گینه گلزار حسینییته گللر جمع اولوب
یتیشیب ماه محرم هامینون قلبی دولوب
گینه اللر تلسور باشه قرا باغلاماغا
گینه گوزللر داریخیبدی اغاما اغلاماغا
گینه دنیایه ویرور نور عزا نقش و نما
گینه گوشواره الان چوخدی رقیه خانما
گینه ایوان غمه فرش محبت سالینور
هارا گیتسن صود امر اصغره لای لای چالینور
قوی سوزی ساده یازیم مهر و وفا دفترینه
آز قالور زینبین آواره قالان گونلرینه
بولورم شمعین امیدی پر پروانه ده دی
چوخ مریضین گوزی الان بو شفاخانه ده دی
چون بولورکی بو شفاخانه ده زهرا دولانور
اوخلانان مشکی سالیب چینینه سقا دولانور
بیر طرفده اوتوروب زینب صدیقه مآب
بیر طرفده آلوب اوز اصغرین آغوشه رباب.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.