ای خانم فاطمه ای مادر شاه شهدا/ قاره سال باشووه گل مجلیسه باشلاندی عزا.
ای خانم فاطمه ای مادرشاه شهدا
قاره سال باشووه گل مجلیسه باشلاندی عزا
قره کوینکلری عباسه گوره ایله دعا
اوغلووین یاره لری قلبیمیزه یاره چکوب
اگنیمیزده قره کوینک بیزی بازاره چکوب
مظهر نور خدا طیب وطاهردی حسین
کیم توسل ائلسه حاضر وناظردی حسین
علتی وار الینه نکهت رحمت اسیلوب
نازنین اللری الله یولوندا کسیلوب
عشق بیر گوهر ارزنده دی نایاب وگران
عشقیدور خلق ایدور انسانلارا شور و هیجان
عاشق واقعی معشوقی چیخارتماز یادان
بوخبر کی یازورام مدرک عنوانیمدى
قبریمه اجر اونون شمع فروزانیمدی
بیر جوان شیعه اثنی عشری اهل ولا
خادم آلعبا عاشق شاه شهدا
بیله کی شرح ایلیوب اهل روایت گویا
نفس امارسینون امرینه وابسته اولوب
بیر مسیحی قیزنا عاشق دلخسته اولوب
گجه لر یاتمادی گوندوز ایله دی سوز وگداز
ایلیوب قلبونی سرشار تعب عشق مجاز
اولدی مجنون کیمی آواره صحرای نیاز
قسمتین حکمی چاتوب گویده کی بخت اولدوزونا
آناسین یوللادی ایلچی او مسیحی قیزنا
اوقیزین خویش وتباری ایلیوبلر شورا
دیدیلر لایق وصلتی سنون اوغلون آنا
حاجتون گویلون اگر واردی برآورده اولا
گرک اوغلون گله آئین مسیحا یولونا
اعتنا ایلمیه حضرت طاها یولونا
لرزه ایتدی آنانون پیکرینون ارکانی
قیدوب منزلینه حالتی چوخ بحرانی
بیر به بیر اوغلونا تعریف ایلدی جریانی
مزرع دینه دئدی بذرجفا اکمه اوغول
دین پاکون سنون اسلامیدی ال چکمه اوغول
سینمی باشوین اوسته گئجه لر داغلامیشام
هرمحرمده اوغول اون گون عزا ساخلامیشام
یاخشی فکر ایله بلا گردینی توکمه باشیما
سن امن صود قاروشوب گوزدن آخان گوز یاشیما
سسوی قوشما اوغول نفس پلیدین سسینه
قویما لکه دوشه دین وشرف آئینه سینه
ندی محشرده سوزون فاطمه ریحانه سینه
عشقوین واردی منیم گنجه لریمده سندی
قره کوینک لرووین بوقچادا تکلیفی ندی؟
حسن لشگری