شجاعت امیرالمومنین شاعر استاد بهلول حبیبی زنجانی.
صفالی گلستاندا طراوت علی وار
ولا حکومتینده عدالت علی وار
ــــــــــــ
علینون حق یانیندا بویوکدی امتیازی
اونون آدیلا گویده ادله عشق بازی
کیم اوپسه آستانون یوخ هیچ کسه نیازی
ایدوبدی نوری روشن سراسر حجازی
فلک بیلور هر ایشده صداقت علی وار
ــــــــــــ
علی نمازین اوسته صله ویروب فقیره
اگر باشین غنی لر بو شاه بی نظیره
اولوبدی چشم عالم بو نور حقه خیره
تفکر ایتسه هر کیم همیت غدیره
دییر که قلبیلرده محبت علی وار
ــــــــــــــ
علینون عشقی واردی ئورکده رشته رشته
یازوبدی لوح عرشه گوزل آدین فرشته
گیده جهاندا زاهد گیجه گونوز کنشته
علینی ایتسه انکار اجازه یوخ بهشته
که هر ایکی جهاندا ولایت علی وار
ـــــــــــــــ
گدای کوی عشقه علی نعم ویروبدی
کلیمه شرح صدر و مسیحه دم ویروبدی
آدون دیوب سلیمان اونا حشم ویروبدی
به حق آل طاها خدا قسم ویروبدی
او کس که حیدریدور شفاعت علی وار
ـــــــــــــــ
بصیرتیله ای دل علیده باخ وقاره
ئورکده باب علم و الینده ذوالفقاره
دی مرحبا اوشیر خدای کردگاره
اونون نظیری گلمز بو عالمه دوباره
منادیان عشقه حمایت علی وار
ـــــــــــــ
علی ابوالعجائب نگار لم یزلدی
وصی ختم مرسل وفاده بی بدلدی
خدانون ئوز ایوینده آقا جهانه گلدی
گوزللرین ایچینده منیم آقام گوزلدی
مرید بوترابه کرامت علی وار
ــــــــــــــــ
جفائیلن او مولا اگر چه قانه باتدی
حسن شهید اولوبدی حسینه نوبه چاتدی
خدا حسینه یاور ابوالفضلی یاراتدی
دیار کربلاده آتا باشین اوجاتدی
دیدی دامارلاریمدا شجاعت علی وار.
(بهلول حبیبی زنجانی)
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.