گتوردی عشق شهادت نلر حسین باشنا
يكشنبه, ۲۹ شهریور ۱۳۹۴، ۰۵:۱۶ ب.ظ
گتوردی عشق شهادت نلر حسین باشنا
کی ایندی ده بشریت دونر حسین باشنا
نیی واریدی حسینون فدای دین اله دی
ملک لر عرشیده اندیردی سر حسین باشنا
نه کربلا نه مدینه که بطن مادردن
دوشوب دی عشق حق دادگر حسین باشنا
سوروشما دای او جدا لرده سیر آدن کیمیدی
کیم اهل عشق اولا یوز دوندرر حسین باشنا
اگر اوباشه بیری زینبین گوزیله باخا
رقیه جانی باخاندا اولر حسین باشنا
دیوله راهب او عکسی چکوب فرانسه ده دی
مگر فرانسه لی قیمت بیلر حسین باشنا
او عکسی چکمدی راهب که موزیه قویالار
گدیب گلیب باخا هر رهگذر حسین باشنا
اوباشه باخسون اگر دستماز آلب سورا باخ
وگرنه ایله باخشدان حذر حسین باشنا
گوزون فداسی منی کافر اتمه ای عاشق
تاپ عشقیدن سند معتبر حسین باشنا
حسینون عکسینی الله چکوب اورکلرده
اورک باشندا حامی یر ورر حسین باشنا.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.