کئچن گجه ایدی گل باغبانه ناز ائلدی.
جمعه, ۳ مهر ۱۳۹۴، ۱۲:۱۰ ب.ظ
کئچن گجه‌ایدی گل باغبانه ناز ائلدی
کنار شمعیده پروانه سوز و ساز ائلدی
کئچن گجه‌ایدی کسوک باش خرابیه گلدی
اسیری پادشه عشق سرفراز ائلدی
کئچن گجه‌ایدی که گرم اولدی بوسه بازاری
ئوزین رقیه بو دنیایه بی نیاز ائلدی
کئچن گجه‌ایدی که ئولدی دیریلدی غملی رباب
باخوب سولان گله فریاد جانگداز ائلدی
کئچن گجه‌ایدی که زینب خرابه منزلده
بالاجا میّته اوتدوق یری نماز ائلدی
کئچن گجه‌ایدی بوروندی فلک نوا سسینه
رقیه‌نون ملک آغلاشدی ربنا سسینه
کئچن گجه‌ایدی که آخدی ستاره‌لر گوگدن
ربابون هاموسی حیران اولوب دعا سسینه
کئچن گجه‌ایدی گلوب شامه روحی زهرانون
حرملرون دئدی جان‌جان خداخدا سسینه
کئچن گجه‌ایدی که زینب اوخیدی الرحمان
سسین قوشوب شهدا دخت مرتضی سسینه
سیف‌الشعرا اقای سیفی اردییلی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.