بو یاره لی باشون غمی یتمز باشا قارداش
يكشنبه, ۲۹ شهریور ۱۳۹۴، ۰۵:۰۹ ب.ظ
بو یاره لی باشون غمی یتمز باشا قارداش
تقصیری ندور اولدی نشانه داشا قارداش
عفریته سنی ویردی منی سالدی دوزومدن
اشگیم قورودی گلمدی رخساره گوزومدن
گوردوم باشووین قانی آخور چیخدم اوزومدن
آز قالدی منیم کاسه صبریم داشا قارداش
باخدوم باشوا شعله چکوب آهیله یاندیم
گوردوم اوزومی سالم حسین سندن اوتاندیم
وردیم باشیمی محمله منده یارالاندیم
یولداشدی مسلمدی یانار یولداشا قارداش
بو کوفه نون اهلی منه دنیانی ایدوب تنگ
وردیم باشیمی محمله دگجک باشوا سنگ
سر نیزده سن ناقه ده من اولمشوق همرنگ
دشمنده بیزی گورسه گرک آغلاشا قارداش
زهرا انامیز هاردا قالوب ای شه عطشان
گورسون باشیمزدان نجه رخساره آخور قان
بو یارالی باشیم یارالی باشوه قربان
قانلی گوزون آچ باخ بو یاریلمش باشا قارداش.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.