شعری از استاد کربلایی عالمی.
بو سوزی من دیل آچان وقته ننم اورگتـدی
مرتضـا حقینـی انکـار الیـن مُـرتـدی
ای قلم یئر گـویی خلـق ایلییـن آللهـه قسم
عُلمــا و فقهــا سیــر الییــن راهـه قسم
ذات معبـوده قسم - سیـر اِلـی اللهـه قسم
یاره لی قلبیـده کی گیزلیـن اولان آهـه قسم
سینـه لـردن اوجـالان نالـة جـانکاهـه قسم
گویده اولدوزلارا ، خورشیده قسم ، ماهه قسم
آغلیـوب سینـه وئـران عاشـق آگاهـه قسم
تشنـه لب باشی قفـادن کسلـن شاهـه قسم
خوده طاهـایـه قسم – شخص یداللـه قسم
عاشق حیدره بو جملـه لریـم جان گَتـدی
مرتضـا حقینـی انکـار الیـن مُـرتـدی
خَلقی یوخـدان یـارادان حضرت جانانـه قسم
حمـد و یـاسینـه قسـم سـورة رحمـانه قسم
دیـنِ اسـلام و شریعت ؛ خودِ قـرانـه قسم
هم سلیمانـه قسـم - موسـیِ عمرانـه قسم
یـونس و نـوحِ نبـی یـوسفِ کنعـانـه قسم
عـرشـهَ معـراج الییـن روح شهیدانـه قسم
کـربـلا فاجعـه سینـده توکـولـن قانـه قسم
اکبـر و قـاسـم و عبـاس قسـم جـانـه قسم
سیـد کـربـوبـلا شـاه شهیـدانـه قسم
حقـی بـو عـالـم امکانـه علی گورستـدی
مرتضـا حقینـی انکـار الیـن مُـرتـدی
کون و امکـانی یـارالدان حقِ یکتایـه قسم
او ستـون سیز دایانان عرش معلایـه قسم
نهـر رضوانـه قسم - جنت العـلایـه قسم
صُـوت داودَ قسـم - شاخـة طوبایـه قسم
غمِ یحیـا - یَد بیضـا - دَم عیسایـه قسم
عُمـر بـاعـزت نـوح و خـودِ طاهایـه قسم
فخـر نسـوان زمـان حضـرت زهرایـه قسم
دوغـرانـان شِبـه نبـی اکبـر زیبایـه قسم
اصغـر و قاسـمِ شهزادییـه ؛ سقـایـه قسم
شیعیـه آندولا آللــه علــی عزتــدی
مرتضـا حقینـی انکـار الیـن مُـرتـدی
بئلــه نظمیلـه گــزَن گُنبـد دواره قسم
عـرش و هم فـرشَ قسم ثابت و سیاره قسم
دینـی احیــا الییـن احمـد مختاره قسم
نـائـب ختـم نبـی حیـدر کـراره قسم
حـامـلِ پـرچـم دیـن جعفـر طیاره قسم
حمـزه و مـالکِ بی بـاک و سپه داره قسم
کوفـه شهرینـده قالان مسلم بی یاره قسم
هم حبیـب بـن مظـاهـر او فـداکاره قسم
علقم اوستونده یاتان قولسوز علمداره قسم
عشـق حیـدر بیزه هم عزت و هم قیمتدی
مرتضـا حقینـی انکـار الیـن مُـرتـدی.
شاعر: استاد عالمی.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.