حضرت علی اصغر(ع) آناسێ رباب
بالاسینا اوخشاییر :
عؤمرۆم حیـاتیـم عــلــــی
شـور-وْ-نشاطیـم عــلــی
لای‌لای سینـه‌مین گۆلـــۆ
ائللـه‌ریمــه ســؤیگــۆلــۆ
طرّه‌سی تئل-تئل ایپـه‌ک
دؤشلۆگۆ قانلێ چیچـه‌ک
گئتـدون سـۇوا گلمــه‌دون
مـن اوْلـدۇم قــاره لچــه‌ک
حوسنون یئتیشمه‌ز سانـا
بنــزه‌ر بـوْیـــۇن جـئیــرانــا
هئجرون آلێب جـانیـمــی
قـالـمــێشــام یـانـا-یـانــا
متفرقه اوْخشامالار:
قارا داغدا تالان وار
منی درده سالان وار
دئمیسه‌ن هئچ وطه‌نده
گؤزۆ یوْلدا قالان وار
ــــــــــــــــــــــــــــ
غریبم وطه‌نیمده
سوْلمۇشام چمه‌نیمده
دئمیشه‌م یازا جدّیم
آدۇوۇ کفه‌نیمده
ــــــــــــــــــــــــــــ
فله‌یین داد الینده‌ن
اوْلمادێم شاد الینده‌ن
یامان یئرده یێخێلدێم
تۇتمادێ یاد الیمده‌ن
ــــــــــــــــــــــــــــ
حضرت علی اکبر (ع)
اوْخشامالارێ:
اوْغۇل اوْلدۇن هارالێ
سنی گؤردۆم یارالێ
قارا توْپراغا قوْیدۇم
آلا گؤزلی مارالێ
ــــــــــــــــــــــــــــ
گؤزۆنده قانا قۇربان
یارالێ جانا قۇربان
رقیّه باجۇن گلدی
دانێشدێر آنا قۇربان
ــــــــــــــــــــــــــــ
حضرت قاسم (ع)
اوْخشاملارێ:
آشینا گئتدی یاد قالدێ
فریاد قالدێ، داد قالدێ
نه توْی گؤردۆم، نه شادلێق
اۆستۆمده بیر آد قالدێ
ــــــــــــــــــــــــــــ
ام‌البنین اوْخشامالارێ
زمانه بئله دؤندۆ
گؤز یاشێم سئله دؤندۆ
گؤزۆمۆ یوْلا تیکدیم
ساعه‌تیم ایله دؤندۆ
ــــــــــــــــــــــــــــ
داغلار دۇمان اوْلدۇ گل
حالێم یامان اوْلدۇ گل
گئجه گۆنۆز آغلارام
عؤمرۆم تامام اوْلدۇ گل
ــــــــــــــــــــــــــــ
خانم رباب اوْخشامالارێ:
بایرام کئچه‌ر یاز اوْلار
بۆلبۆل گۆله باز اوْلار
بیلمه‌دیم اوْخلانارسان
سنین عؤمرۆن آز اوْلار
ــــــــــــــــــــــــــــ
باشا قارانێ ساللام
گۆللـه‌رده‌ن عطرون آللام
گئتسه‌م اگه‌ر وطه‌نه
گۆنله‌ر ائوینده قاللام
ــــــــــــــــــــــــــــ
حضرت رقیه (س)
اوْخشامالاری
یانێما بابا گلدین
تالاندێم سوْرا گلدین
هایاندا قوْناقێدۇن
دوْداغێ یارا گلدین
ــــــــــــــــــــــــــــ
روقیّه‌م باشسێز اؤلدۆ
آج اؤلدۆ، باشسێز اؤلدۆ
یازێن قبرینین داشێنا
بۇ قێز قارداشسێز اؤلدۆ
ــــــــــــــــــــــــــــ
باشێ بلالی اوْلدۇن
رختی عزالی اوْلدۇن
نه وطه‌نه قایێتدێن
نه کربلالی اوْلدۇن
ــــــــــــــــــــــــــــ
حضرت ابالفضل(ع) اوْخشامالارێ:
یامان گۆنله‌ر بئل ایه‌ر
باغدا باغبان بئل ایه‌ر
اوْغۇل اؤلسه ائو یێخار
قارداش اؤلسه بئل ایه‌ر
ــــــــــــــــــــــــــــ
قارداشلار آی قارداشلار
یاغێش یاغار قار باشلار
اؤلسه‌ده باجێ اؤلسۆن
هئچ اؤلمه‌سین قارداشلار
ــــــــــــــــــــــــــــ
شعری برای امام زمان (عج) از علی میکائیلی
متخلّص به "راضی"
ای نازنین نگاریم ، ای دلبریم گل ایندی
چوخداندی یولدا قالمیش، بو گوزلریم گل ایندی
سنسیز صفا تاپیلماز، باغ و بهاریمیزدا
سن تکجه باغبانسان ، سن رهبریم گل ایندی
یوزدن (اوزدن) کناره بیر چک ، سن آیرلیق حجابین
رحمتده غرق اولونسین، قوی ائللریم گل ایندی
ذکرون شفا باغیشلار ،هر دیلده ازبر اولسا
من خسته سنسن اما، دیل ازبریم گل ایندی
"شعر از سید بشیر حسینی میانجی"
جان ویرنده غریبانه زینب
نی کیمی گلدی افغانه زینب
شامیده یئددی قارداشدان ئوتری
سسلنوردی یانا یانه زینب
بیر نفر یوخ منی یاده سالسون
باشیمی دیزلری اوسته آلسون
یا حسین یا حسین یا حسین جان (2)
میلاد امام رضا (ع):از مرحوم سیدرضا حسینی متخلص به (سعدی زمان):
ای نسیم صبحدم مُردم ز درد اشتیاق
رو به خاک طوس یعنی قبله گاه نُه رواق
بوسه زن بر آستان قدس و آن گه عرضه دار
ای به قربان سگان کوی تو طال الفراق
ویردی باش چرخ امامتدن بو گون شمسُ الشّموس
قیلدی آفاقی منوّر طلعت سلطان طوس
اون ایکی تعیین اولوب قرآندا تعداد شهور
دوردینی شهر الحرام ایلوب خداوند غفور
یعنی حجّت اون ایکی، دوردی علی، مشکات نور
بو اوچومجی بیر علی دینه تولّاسی رئوس
قدحیدور مدحینده عرض ایتسم جمالی ماهیدور
گون بو خورشیدین هواسینده غبار راهیدور
سرّی سرُّ ا...دور، وجهی جمالَُ ا...دور
پرده ی صبح ازلده نور آلوب بوندان عکوس
حسینـدی مـظهر سبحان،حسینین عاشقیم
حسیندی خلقته عنــــوان٬حسینین عاشقیم
حسیندی مــــهر درخشان٬حسینین عاشقیم
حسینـدی مـعـدن احسان٬حسینین عاشقیم
دوشموشم بـلایه گـل هرایـه قـارداش
جان ویرور وزیـرون گـل منایـه قـارداش
(اوخـلانـوب سو مشگیم گل)
(قان اولـوب سـرشـگیـم گل)
(یـالـقـوزام حسین جان)
(قولسوزام حسین جان )
قان آخور باشیمـدان قانلـی گـوزلـریمه
اوخ یاغـــــور هــوادن قـانلی پیکـریمه
دگـمـیــوب سـو والله،تـشـنـه لبـلـریمه
بـوسـه ویـــردی خنجــر باغلی اللریمه
گـل اوپـوم الـونـدن بـاخ وفـایه قـارداش
اثر مرحوم: محمدحسین جنتی مقام متخلص به ( صحاف ) تبریزی
حسینه انس و جان آغلار بو آیدا امام عصر قان آغلار بو آیدا
گلوب موجه بو آی بحر مصیبت بو آیدا دولدوروب آفاقی محنت
بو آیدا باشلانوب شور قیامت زمین و آسمان آغلار بو آیدا
ویروب غم یوز بو آیدا ماسوایه گلوب جن و ملک شور و نوایه
چکوبلر قاره عرش کبریایه هامی لاهوتیان آغلار بو آیدا
نوحه در شهادت حضرت امام حسین (ع) - قتلگاه
از مرحوم #سیدرضا_حسینی_سعدی_زمان
کتاب #چهارده_معصوم_حسینی
#صفحه 145
گوردی قدسیان جان ویرور حسین، گیزلنور نفس تازه قان گلور
العطش دیور شاه مشرقین اوخ ویران گیدور داش ویران گلور
گوردی قدسیان جان ویرور حسین، گیزلنور نفس تازه قان گلور
العطش دیور شاه مشرقین اوخ ویران گیدور داش ویران گلور
دسته دسته نیزه وران گیدور، ایلیوب هجوم اوخ آتان گلور
بیر نفر دیمور بو کومکسیزی بیر بیله جماعت ند‌ن ویرور
نه گناهی وار بو اوغولسوزون ، اشقیای دور زمن ویرور
قربتا" الی‌الله خیالی وار، هر گلن ویرور هر گیدن ویرور
دسته دسته نیزه وران گیدور، ایلیوب هجوم اوخ آتان گلور
العطش دیور شاه مشرقیین، اوخ ویران گیدور، داش وران گلور
زبانحال امام حسین (ع) به حضرت علی اصغر (ع)
از استاد رحیم منزوی اردبیلی
قویارام مزاره اصغر سنی تا قیامت اولسون
بوغازون بیچیلدی باری، بدنون سلامت اولسون
بیلیرم اگر بو چولده، سنی قویماسام مزاره
آت آیاغی آلتدا نعشون، اولار اوندا پاره پاره
وورولار باشون جدایه، ییخیلار ائویم دوباره
دگیلم رضا عربده، بئله بدعت عادت اولسون
احوالات حضرت علی اصغر (ع) از مرحوم استاد رحیم منزوی اردبیلی
او دم کی حرمله ننگین اله تیر و کمان آلدی
ملک‌لر ضجه چکدی شیعه‌لر خط امان آلدی
حقیقت گورسنـر قلب سلیم و چشم بینایه
ازلدن حرمله کور اولدی ساتدی دینی دنیایه
خریـدار بهشته بیـر اووج قان الده سرمایه
حسینون سودامر سربازی جان وئردی جنان آلدی
رحیم منزوی اردبیلی فرزند اسدالله در محله سیدآباد اردبیل به سال ۱۳۱۶ دیده به جهان گشود. پدرش در کنار شغل حلبی سازی و دواتگری در ایام محرم به شبیه خوانی و تعزیه گردانی می‌پرداخت واین موضوع در رحیم منزوی به مرثیه سرایی تاثیر فراوانی گذاشت.او اولین شعر خود را در سن ۹ سالگی سرود. فضای عاشورایی شهر در سال ۱۳۲۶ به بعد او را به نوحه سرایی سوق داد. در پایان تحصیل وارد ارتش گردید و در مراغه پای درس آیت الله سید جواد مجتهد نشست و دروس اسلامی را فرا گرفت.
شهادت حضرت اباعبدالله الحسین (ع)
از کتاب رهروان حقیقت استاد صحاف
دینون ستونی سیندی اسلامیان الینده
صدپاره اولدی قرآن قرآنیان الینده
باشلاندی کربلاده بیر شورش قیامت
دوغراندی آل هاشم سفیانیان الینده
اؤز رهبرین گورنده دشمن الینده یالقیز
یاغدیردی قان قلیجلار آزادگان الینده
دوغراندی قطعه قطعه پیغمبرین شبیهی
بی کس آناسی قالدی داد و فغان الینده
نگران آینده ادبیات مرثیه تبریز هستم
گفتگو با نادرسالک، شاعر، مجری و مداح جوان تبریزی
در عین جوانی یکی از شاعران و مداحان مطرح تبریز به شمار می آید. نادر سالک متولد پانزده آبان 1362 از اعضا باسابقه ی انجمن ادبی عابد، چند سالی به عنوان مجری شب های شعر چهارشنبه تبریز فعالیت می کرد. ویژگی منحصر به فرد سالک حفظیات ارزشمندش می باشد. این شاعر جوان و عاشورایی تبریز گنجینه ای از اشعار شعرای پیشین این مرز و بوم را در سینه خود جای داده است.
دیده عالم حسین تک مرد میدان گور میوب
بیر بیله ازاده رهبر چشم دوران گورمیوب
ویردی الله کا ئناته جلوه اون دورت نوریدن
افضل ایتدی اولارین قدرین ملکدن حوریدن
پنج تن بزمی حسین حسنیله دولدی شوریدن
باشدی زهرا اوغلونون کربو بلاسی طوریدن
حیف او طوری حضرت موسی بن عمران گورمیب
دوره گردم من محبت باغینون سیاحیم
معنویت بزمینون پروانه مصباحیم
گوز یاشیم لشگلر اورکلر ملکینین فتاحیم
مدعی چوغ طعنه ورما من حسین مداحیم
بیر گلوم وار که گلدن هیچ گلستان گورمیوب
به کانال تلگرام اشعار مذهبی شعرای آذربایجان
بپیوندید
اثرتهمت به دیگران
در قیامت ، عابدی را دوزخش انداختند
هر چه فریادش، جوابش را نمی پرداختند
داد میزد خوانده ام هفتاد سال، هرشب نماز
پس چه شد اینک ثواب ِآن همه رازونیاز
یک ندا آمد چرا تهمت زدی همسایه ات
تا شود اینگونه حالت، این جهنم خانه ات
گفت من در طول عمرم گر زدم یک تهمتی.
ظلم باشد زان بسوزم، ای خدا کن رحمتی
آن ندا گفتا همانکس که زدی تهمت براو
طفلکی هفتاد سال، جمع کرده بودش آبرو
زبانحال حضرت علی (ع) بعد از شهادت حضرت زهرا (س). سعدی زمان
ای دودمانیمین یوزی شمع شبانه سی
گئچدی علی چراغی خراب اولدی خانه سی
گیتدون خلاص اولدون اوزون رنج و غصّه دن
ایتدون علینی تیر مصائب نشانه سی
جسمیمده روحیمون قوشی محبوس اولوبدی کاش
محبوس بیر قوشون کسیلیدی ترانه سی
یوخ خیر سن سیز عمرده یا خیره النساء
سینسون گوروم درخت حیاتین جوانه سی
قورخور حیاتی طول اولا خیبر شکن علی
وار دلده چون ئولونجه غم جاودانه سی
سعدی زمان رحمت الله وعلیه
باشسیز بدنونده آنام اوغلی یارا چوخدی
امّا باجیوی یاندوران اوچ شعبه لی اوخدی
ای کاش باجوندا یاراسندن چوخ اولیدی
یا بوندان ازل عالم امکان یوخ اولیدی
نه حرمله قارداش، نه کمان، نه اوخ اولیدی
باشسیز بدنونده آنام اوغلی یارا چوخدی
استمداد حضرت ابالفضل (ع) از مرحوم سیدرضا حسینی سعدی زمان
قولّاریم اولدی قلم قارداش حسین
سرنگون اولدی علم قارداش حسین
الاماندور، الامان امداده گل
گَلمه سن باش ویرمرم جلّاده گَل
مشکیمه اوخ ووردیلار قوم ضلال
گیتدی سو آخدی گوزیمدن اشک آل
خجلتیم ایلوب منی پژمرده حال
الاماندور، الامان امداده گل
شعر حضرت ابوالفضل
منی ترک ائدیب گئدیرسن هارا ای وفالی قارداش
سنیلن گئدیر منیمده ائلیمین جلالی قارداش
یئنه قم لر آتلانیبدیر ا و ر ه گینده کشمکشدیر
دئمیره م کی گئتمه قارداش بیلیره م کی سون گئدیشدیر
بو جهاد اکبر ، اصغر سنه بیر ایچیم سو ایشدیر
منه آمما چوخ چتیندیر کی آتام وصالی قارداش
میلاد امام زمان (عج) از اعظمی تبریزی
بو گون بیر عید اعظمدور صبا ویر مژده زهرایه
دی اوغلون حجّت قائم قدم قویدی بو دنیایه
ازل بو اهل اسلامین دلینجه عرض تبریک ایت
صورا سویله که ای محبوبه ذات حیّ یکتایه
سپهر فضلسن عالمده جانلار شانیوه قربان
سزادور افتخار ایتسن همیشه چرخ مینایه
احوالات حضرت امام موسی ابن جعفر الکاظم (ع)از مرحوم سعدی زمان 💠💠
دیسم قیامتیدی سوز غلطدی، محشرده
او شورش و او فغان و او آه و زار اولماز
تصوّر ایله نه حاله قالور خانم بالالار؟
کبار رام اولی بیر نحویله، صغار اولماز
مُحَجَّبات ویروب سس سسه دیردی تمام
حسین! سنون کیمی بیر مهربان نگار اولماز
احوالات امام عصر (عج)
از #سیدرضا_حسینی_سعدی_زمان
از کتاب #چهارده_معصوم_حسینی
#صفحه381
سالوب فشاره منی روزگار کینه نهاد
ایدم امام زماندان گرکدی استمداد
محسّناتیده گرچه نگاریم اکملدور
ولی یوزین گوره بُلمز او گوز که احولدور
جمال شاهد غیبی گورنمز اهل شهود
بو باب قدرت قهّاریله مقفّلدور
یازوب جمالینه والشّمسی کاتب قدرت
گون اوسته پرده چکوب زلفی لیل اَلیَل دور
جمالی گوندی، اوزی آی کیمی بولوتدا گزر
نه گون نه آی قمر و شمسدن بو افضلدور
شعر مرحوم حسینی سعدی زمان در ولادت امام زمان ( عج )
ای پیروان قرآن شد فصل عشرت امروز
بزدود دست غیبی از دل کدورت امروز
در سُرّ من رای شد نور خدا هویدا
سطح زمین تیره شد رشگ جنت امروز
در گلشن حسن شد بشکفته برگ نرگس
رخ داد عسکری را از دل مسرت امروز
در سده اخیر یکی از مرثیه پردازان توانای تبریز که درروند نوحه سرایی نقش موثری داشته،مرحوم استاد سیدرضا حسینی متخلّص به «سعدی زمان» می‌باشد که علی‌رغم فرط اشتهار،تاکنون در بررسی نقش چشمگیر وی اقدامی صورت نگرفته است.شادروان حسینی سعدی زماندر نشر نوحه ترکی مقام والایی دارد به گونه‌ای که بسیاری از شاعران مرثیه پرداز ومعاصر آذربایجان که اینک دوران کهولت عمر را می‌گذرانند، تشخّص نوحه‌های عاشورایی خود را مدیون آن شاعر بزرگ هستند و به اصطلاح دنباله رو سبکی هستند که حسینی سعدی زمان پی افکنده است.
شعر شهادت امام جعفر صادق ( ع ) از مرحوم سیدرضا حسینی سعدی زمان
حسین ذکرینه گوگلوم اگرچه شایقدور
ولی بو یرده خیالیم امام صادقدور
بلا بو رسمیدی اهل ولادن آیریلماز
اودور امام همیشه بلادن آیریلماز
دیوب بلایه بَلی یکسر عترت یاسین
خدا کلامیدی چون سینی یادن آیریلماز
بلا و محنت اسیری امام صادقه باخ
دوزر بلایه غم و ابتلادن آیریلماز
کربلا غمی- شاعر: دلخون
کربلا غمی نه غمدیر، مؤحنه‌تی شوماره گلمه‌ز
بئله باجی، بئیله قارداش، بیده روزیگاره گلمـه‌ز
آه اوْ وقتیده‌ن حۆسئین کیم، تئشنه لب قالێب آراده
دۆشـدۆ بــۇ خییالـه گئدسیـن، کوفییـانیلـه جهــاده
عرض ائدیب جناب-ی-زینب، وار سؤزۆم بۇ مودعاده
واردێ بیر سؤزۆم نهانی، دیله آشیکاره گلمه‌ز
