"عؤمرۆم حیـاتیـم عــلــــی" "استاد تقی سیفی اردبیلی"

حضرت علی اصغر(ع) آناسێ رباب

   ^{بالاسینا اوخشاییر :}

^{عؤمرۆم حیـاتیـم عــلــــی}

^{شـور-وْ-نشاطیـم عــلــی}

^{لای‌لای سینـه‌مین گۆلـــۆ}

^{ائللـه‌ریمــه ســؤیگــۆلــۆ} 

^{طرّه‌سی تئل-تئل ایپـه‌ک}

^{دؤشلۆگۆ قانلێ چیچـه‌ک}

^{گئتـدون سـۇوا گلمــه‌دون}

^{مـن اوْلـدۇم قــاره لچــه‌ک}

 

^{حوسنون یئتیشمه‌ز سانـا}

^{بنــزه‌ر بـوْیـــۇن جـئیــرانــا}

^{هئجرون آلێب جـانیـمــی}

^{قـالـمــێشــام یـانـا-یـانــا}

 

^{فلـک وفـا یــوْخــلامـاز}

^{غملـی نوا ساخلامــاز}

^{اوْغـلــۇ اؤلــه‌ن آنـانێـن}

^{آغلار گؤزۆ یـۇخــلامــاز}

 

^{بوْش بئشیگـون بـزه‌ره‌م}

^{اۆستـۆنـه گـۆل دۆزه‌ره‌م}

^{چؤللـری سنده‌ن سارێ}

^{مـلــه‌ر-مـلــه‌ر گــزه‌ره‌م}

 

^{عئشقـووۇن دیلبنــدی‌یـم}

^{درده پــنــــاهَــنـــدی‌یــــم}

^{قول باغلـێ اؤلمـه‌گۆنـدان}

^{اؤلــۆنـجـه شـرمـنـدی‌‌یــم}

 

^{اقبــالیمـیـــن اۇلــــدۇزۇ}

^{عؤمـرۆمــۆن دادێ دۇزۇ}

^{کیم گؤرۆبدی اوْخــلانــا}

^{سن کیمی املیک قۇزۇ}

 

^{اۆره گیمین پاره‌سـی}

^{غملریمین چاره‌سـی}

^{باغلانمادێ اصغریـــم}

^{بوْغازۇوۇن یـاره‌ســی}

 

^{مـن گــۆل اکیــب درمــه‌دیــم}

^{اوْغـۇل دادێــن بیلـمـــه‌دیـــم}

^{های دۆشدۆ اوْخـلانمێســان}

^{اوْخ یــاره‌وی گــؤرمـــه‌دیــــم}

 

^{باغلێ قالێـب اللــرون}

^{پارچالانێــب حنجــرون}

^{گۆلمه‌دی بیر یوْل منه}

^{اوْخا گۆلـه‌ن لـب‌لـرون}

 

^{غملریمــی سـانـــارام}

^{زۆلـف‌لـریمــی یـوْنـارام}

^{گهــواره‌وی تـرپــه‌دیــب}

^{لای‌لای چالێب یـانـارام}

 

^{آهـو کیمـی ملـــه‌ره‌م}

^{قان یاش گؤزه الـه‌ره‌م}

^{سنی سالێـب یادیمـه}

^{قوْنداق آچێب بلـه‌ره‌م}

 

^{اۇلدۇز گـؤگـه دۇزۇلــر}

^{خـۇمار گؤزلر سۆزۆلــر}

^{آهو مله‌ر سس گلــه‌ر}

^{منیــم قلـبیـــم اۆزۆلــر}

 

^{عئشقون آچێب منظـره}

^{آدۇن دۆشـــۆب دیـللــره}

^{قلبـــی یـارالــێ آنــــوْن}

^{قۇربـان خـۇمـار گـؤزلــره}

 

^{آلنــۇنــدا قـــاره تئـلـــون}

^{گؤرمه‌دیم شیرین دیلـۇن}

^{قالـدێ سنـده‌ن یادیـگـار}

^{سینه‌مـده دێرناق یئـرون}

 

^{گۆنـدۆز گئجــه آغــلارام}

^{اۆره‌ک باشێن داغـلارام}

^{گلسوْن منیم سینه‌مـه}

^{اوْخ یــاره‌وی بـاغـــلارام}

 

^{سێنێـب منیــم شهپــریــم}

^{قان اوْلـۇب اشـک-ی-تریــم}

^{سۇ ایچمیشه‌م سۆد گلیب}

^{اَلــوْو وئــریــر دؤشلــه‌ریــم}

 

^{اینجیدیب عالـم منــی}

^{درده سالێب غم منی}

^{دؤشۆمۆ سۆد آغرێـدار}

^{گل سینه‌مـه ام منـی}

 

^{باغچادا گۆل درمیشـه‌م}

^{دیلبره گـؤنـده‌رمیشــه‌م}

^{بیـــر اوْلان آلــلاهیـمـــه}

^{سنی قۇربان وئرمیشه‌م}

 

^{فلـک دانێـب دۇزۇمــۇ}

^{باتێـرێب اۇلــدۇزۇمـــۇ}

^{تارێ قبول ائلـه‌سیـن}

^{منیـم املیـک قۇزۇمـۇ}

 

^{ظالیــم گـؤزۆ اۇیمــادێ}

^{آنـوْن سنـده‌ن دوْیمادێ}

^{آیـاق دۇتــۇب گـزمـه‌گـه}

^{فلـک سنـی قــوْیمـادێ}

 

^{آنــوْن زۆلفــۆن هــؤرمئییــب}

^{سن‌سیز آغ گـۆن گؤرمئییـب}

^{هئچ قـانـادێ باغلــێ قـۇش}

^{سـن کیمـی جـان وئـرمئییب}

 

^{سـۆرمه‌دون دورانیـوێ}

^{آلدێ عطـش جـانیـوێ}

^{اوْخ وۇران صـیّـادیــده‌ن}

^{تــارێ آلار قــــانیـــوێ}