"دینون ستونی سیندی اسلامیان الینده" شعر شهادت امام حسین (ع) از استاد صحاف تبریزی
شهادت حضرت اباعبدالله الحسین (ع)
از کتاب رهروان حقیقت استاد صحاف
دینون ستونی سیندی اسلامیان الینده
صدپاره اولدی قرآن قرآنیان الینده
باشلاندی کربلاده بیر شورش قیامت
دوغراندی آل هاشم سفیانیان الینده
اؤز رهبرین گورنده دشمن الینده یالقیز
یاغدیردی قان قلیجلار آزادگان الینده
دوغراندی قطعه قطعه پیغمبرین شبیهی
بی کس آناسی قالدی داد و فغان الینده
بیر طوی بساطی قوردی شه قاسم جوانه
قان اولدی طوی حناسی اول نوجوان الینده
رد اولدی اوخ کماندان قان قان دئدی هواده
اولدی حسینون اصغر تیره نشان الینده
اوخ دایه سی او طفله بیر کاسه قان ایچیرتدی
جان وئردی اوخ دمینده جان جهان الینده
سقای کربلانون قاندان دولان سو مشکی
قالدی حرمسراده لب تشنگان الینده
شاه اؤلدی سیندی لشکر اوؤد ووردولار خیامه
یاندی حریم عصمت شمر و سنان الینده
بیر ال کی چوخ توتاردی درمانده لر الیندن
قالدی همان او ال لر بیر ساربان الینده
قویماز قالا یئر اوسته ناحق آخان او قان لار
تیغ دو پیکر اولسا صاحب زمان الینده
#استاد_مرحوم_محمدحسین_جنتی_مقام_صحاف تبریزی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.