نوحه ی شاه بر بالین وزیر
ساقی لب تشنه گان تشنه سرداریم اویان
یاتما قان ایچره بئله ای علمداریم اویان
سنکه وئردون قولارون عشق جانانه فدا
روز اول باغلانان عهدیوه ائتدون وفا
ساحال علقم دونوب اولدی گلزار صفا
خار اولوبدور همدمون روح گلزاریم اویان
غزلی راجع به زبانحال حضرت رقیّه (س) به برادر بزرگوارشان حضرت شبه پیامبر علی اکبر (ع) از استاد مرحوم حسینی سعدی زمان.
خرابه ده منه یوخ کیمسه دادرس قارداش
ویره فغانه گَلنده سسیمه سس قارداش
خرابه ده منه یوخ کیمسه دادرس قارداش
ویره فغانه گَلنده سسیمه سس قارداش
انیس و مونسیم آه سحردی ناله ی شب
منه خیالون اولوب یاخشی هم نفس قارداش
مگر یوخوندی خبر سندن آیریلان گوندن
اوچوبدی روح، قالوب بیر قوری قفس قارداش
کسوب علاقوی سالدون نه تیز منی گوزدن
دیَن کیم اولدی باجوندان علاقه کس قارداش
باشیم اوجالیقی، باشیم آچوق قالوب سن سیز
باشیما سایه سالان یوخدی بیرجه کس قارداش
دونوب خزانه بهاریم، سولوب گُلیم چمنیم
آلوبدی دوره می بی رحم خار و خس قارداش
یزیده ناله ی شبگیریم ایلیوبدی اثر
قویوب خرابه ده اطرفیمه عسس قارداش
ایدنده ناله منه تازیانه وورسونلار
بو وورماق آغلاماقا آرتورور هوس قارداش
گَلنده شامه دوگولماقه عادت ایلمیشم
ز بس ووروبدی منی زاده ی اَنَس قارداش
من آغلیاندا قطاریله ناقه آغلاردی
ویرردی نالمه سس دم به دم جرس قارداش
اولوردی ملتمِس عمَّم که دوگمسونله منی
یاناردی ملتمِس آغلاردی ملتمَس قارداش
حسینی باطناً عنقای قاف وحدتدور
گورولّه خلق ولی ظاهراً مگس قارداش.
سعدی زمان.
بو بلاکش عمه سینون مارالی رقیه لای لای
بدنی کبود ایاقی یارالی رقیه لای لای
بو خرابه ده آیردون نیه سن منی اوزوندن
دویا بیلمدیم رقیه او شیرین شیرین سوزوندن
گوزون آچ یورولموش آهو بیر اوپوم قرا گوزوندن
سنی اوپدوگیجه دردیم آزالی رقیه لای لای2
بالا بو سولان جمالون آنامون یوزینه بنزر
بو گوزل گوزون رقیه آنامون گوزینه بنزر
دیسون الده اولموشم من آنامون سوزینه بنذر
یوزی نیلی ای آنام تک یارالی رقیه لای لای2
نوحه حالات حضرت رقیه – سینه زنی
نو شکفته بیر گولم من سولموشام چمنده عمه
قمچی لر یوروب بو یورقون روحیمی بدنده عمه
دوریدن گوروم قالیدی عمه چرخ کج مداری
آل هاشمه همیشه تیره ایتدی روزگاری
چکمیشوک بیر ایلدی باهم رنج ودرد بی شماری
منده شامیده اسیرم شمر شومه سنده عمه
بو خرابیه گلندن اولموشوق غمیله یولداش
چوخ گیجه صباح اولونجا توکموشوک عذاره قان یاش
اولمیوب باش آلتی پاره کر پیچ اوسته قویمو شوق باش
سنده تا یاتموسان بو قاره تپراق اوستینده عمه
زبانحال حضرت رقیه(س)
خدا حافظ ای عمه جانیم منیم چخور جان قوتولدی توانیم منیم
دورون قلبوزی پر ملال ایلیون
منـی جان اکبـر حلال ایلیــون
چوخ اولدی سیزه شامه چاتان زحمتیم
سالوب محنته قیزلاری محنتیم
یتیشدی منیم آیریلیق ساعتیم
گلوب پیک دلاور حلال ایلیون
دورون ای بنی فاطمه قیزلاری
سپهر حجازین غم اولدوز لاری
هر آیلار آدامسیز آدامسیز لاری
آخور قاره گوزلر حلال ایلیون
سفردن منیم دلبریم گلمدی
نگار وفا پروریم گلمدی
بابام گلمدی اکبریم گلمدی
یوخوم یار و یاور حلال ایلیون
سکینه سریه رباب عاتکه دیون
گوزلر اشک ماتم توکه بابام گلمدی
باشیمه ال چکه منی بار دیگر حلال ایلیون
زبانحال زینب خاتون در وفات خانم رقیه دختر امام حسین (ع)
گل قارداش حسین گل بو امانت قیزون اولدی
قلبین غم اوخی ایتدی جراحت قیزون اولدی
یاندیردی منیم قلبیمی بو قلب شکسته
اولموشدی ایکی خردا الی سینه سی اوسته
گل صورتینه اشکی آخوب گوزبولاقیندان
گوز یاشلی چیخوب دور بالامون جان دوداقیندان
گل شامیده قارداش منه لطفون علن ایله
ویرانه مکانی گل و باغ و چمن ایله
اللرده ئولن دختریوی سن کفن ایله
عباسیمه دی اکبریلن تیز گله داده
صبا حسینه ویر خبر قیزون رقیّه جان ویرور
سنون کفن سیز اُلماقون خرابه ده نشان ویرور
صبا حسینه ویر خبر قیزون رقیّه جان ویرور
سنون کفن سیز اُلماقون خرابه ده نشان ویرور
بابا بابا دیور یانور ایدور نظر صاقا صولا
یقین یولون گوزَتلوری تیکوبدی چوخ گوزین یولا
بو قدر قویما گوزلری یولوندا انتظار اولا
نوید وصلون اولسا گر حیات جاودان ویرور
پوزوبدی حالی حالیمی گرک اُلونجه دل یانا
اگرچه نار غصّه دن یاخوندی قلبیم اودلانا
تمام غصّه بیر یانا ولی بو غصّه بیر یانا
قوری یر اوسته بیله جان بو طفل ناتوان ویرور
ایچدیردیله گل زهر عداوت منه قارداش(تایب)
ایچدیردیله گل زهر عداوت منه قارداش
جان اوسته سن آغلا منه ؛ منده سنه قارداش
سن سویله که مسموم جفا وای حسن ای وای
منده دیوم ایوای سوسوز جان ویرن ای وای
گل باشیمی آل بیرجه دیزون اوسته وفالی
حالیمدن ایدوم تا سنی بو حالده حالی
گور وار نه بلاسی باشیمین باشی بلالی
فورا سچه سن دردیمی ؛ احوالیمه باخسان
حالون پوزولار گر پوزولان حالیمه باخسان
زهر آتشینه گر چه ایچوب بو سوئی یاندیم
اود دوشدی یانان قلبیمه یاندیم یارالاندیم
یاندیم یارالاندیم داخی من جانه دایاندیم
قسمتدی منه زهر ایچوب جانه دایانماق
اما سنه نهر اوسته سوسوز قانه بویانماق
گل لبلریمه بیرجه یانا یانه نظر سال
مجروح دوداقدا دوزولن قانه نظر سال
ای طوطی شیرین سخن بزم سلیمان
سس ویردی سلیمان سسوه اولما پریشان
شامه کیمی اولام سنه هر یرده نگهبان
چرپنما قناد چالما ائله قلبوی آرام
یاددان گنه چخسون گنه من نیزه ده دورام
ایام اسارت قوتارار ایلمه افغان
"عاشورا شعری"
______________________
من دیمورم بو غمده سینه داغلا
من دیمورم اشگون عذاره با غلا
من دیورم گوزلرون اچ برادر
زینبیمه من اوخشیوم سن اغلا
_____________________
من دیمورم حالیمه داغ داش اغلار
من دیمورم عمود اغلار باش اغلار
من دیورم ئولن زماندا قارداش
دلدن یانار قارداشا قارداش اغلار
ای سالان عالملره عشقی قیامت یاحسین
شهریار شهره ی شهر شهادت یا حسین
تاپدی قانونلن بقا دین و دیانت یا حسین
آشنای عشق اولان عشقیله سسلر یا حسین
عشقووی عشاق عالم دیلده بسلر یا حسین
عبد درگاهون منم سن شهریاریمسن حسین
خلق ایچینده جان زهرا اعتباریمسن حسین
دار دنیاده منیم دار و نداریمسن حسین
چوخلاری فخر ایلیر من صاحب زور و زرم
من ولی فخر ایلرم سن شاهسن من نوکرم!
صلی الله علیک یا ابا عبدالله الحسین!
بو عرصه نون چمن نوبهاره نسبتی وار
زبسکه قان توکولوب نوبهاره نسبتی وار
ویرون نقدر ویرورسوز خوشوزدو تیغ جفا
ز بس که تیغ ملالون نگاره نسبتی وار
نقدر اوخ دگه چوخ سینه مه چوخ اولام شاد
ندن که ناوک مژگان یاره نسبتی وار
بو خسته جسممه خنجر دگنده خوشحالم
که ناز گوشه چشم نگاره نسبتی وار
خوشومدو نیزه ،کسون نیزیه ورون باشیمی
که قد سرو عروس نظاره نسبتی وار
من اولموشام دل جاندان بو لشکره مایل
که نظم سلسله تابداره نسبتی وار
ویرون بو پیکریمه یاره گل گل آچیلسون
بو قانلو یاره نون اول گلعذاره نسبتی وار.
گلدیم هرایه قارداش ، ای قهرمان ابوالفضل
سیندی بِلیم غمیندن ،یاتما اویان ابوالفضل
بزم وصاله قارداش ، باشین یارا گئدیرسن
سن بیل رقیه جانی ، من سیز هارا گدیرسن
باب المراد ابوالفضل
باب النجاه ابوالفضل
کاروان سرعتیلن باشلادی یول شامه طرف
دوش نسوانه دوشوب بار گران چوللرده
سعی ایدور زینب کبرا بالالار اینجمیه
ساربان تند گیدور ویرمور امان چوللرده
ام کلثوم گوزی قولسوز ابولفضلی گزور
هی دیور یوخ باجیوی یاده سالان چوللرده
یتجاخ هر منزله وقتی که یاتور توز تپراق
باخوری بیر بیره قزلار نگران چوللرده
هرکس ایستور یاتا فورآ اوجالور بانگ رحیل
یول اوزاخدی تلسور شمر و سنان چوللرده
حرمله غملی ربابین گوزنه گورسنمور
گیزلدوب تیر و کمانین اوخ آتان چوللرده
تند یللر که اسور دیسگینور اصغر آناسی
آختارور اوغلونی دلده ضربان چوللرده
غم مسافرلری عریان دوه لر اوسته گیذور
یوخ سکینه تلینه شانه وران چوللرده
غرق ایدوب لیلی نی ئوز دردی خیال عالمینه
باخور اکبر باشنا وقت اذان چوللرده
دیور ای آهو باخشلی بالا آچ بیر گوزیوی
سنه خاطر قالوب آواره آنان چوللرده.
سلام او سینیه کی اوخ سوکنده اوخ دئمه‌دی
سلام او اللره کی ساربانه یوخ دئمه‌دی
سلام او که عشقینده پر اراده‌ایدی
بدنی قوملارون اوسته باشی جداده‌ایدی
سلام او سالکه اسلامی سرفراز ائلدی
سلام او لبلره که خیزرانه ناز ائلدی
سلام او شاهده قانه بوروندی مقتلده
وئروب شعار عدالت سوروندی مقتلده
سلام او مسته آدین جلوهٔ‌ی حیات ائلدی
ئورگینون یاراسی جبرئیلی مات ائلدی
ائدنده لبلری قانلی نگاری یاد حسین
ملک‌لر عرشیده سسلندی زنده‌باد حسین
گنه‌ده مرغ خیالیم رهِ ولاده گزور
قلمده دایره ی دشت کربلاده گزور
نه کربلا که ملک آستاننه باش ایَر
نه کربلا که تماشاسی مین بهشته دگر
نه کربلا غمی مردان عشق قدین اگوب
رباب و لیلیه‌ده اوردا تازیانه دگوب
نه کربلا که گداسینده شاه منصبی وار
گورَن بیلر نه گوزلیکده تلّ زینبی وار.
ســلام بــر دختربچه سه ساله(خانم رقیه)
======================
سلام اولا او قیزا خیمه لر یانان ساعت
اولوبدو اکبر آلان گوشواره سی غارت
سلام اولا یوزونه گوزیاشی آخان بالیا
دگنده سیلی دونوب علقمه باخان بالیا
سلام اولا هامونون مشکلون آچان بالیا
ایاق یالن باش آچوخ چوللره قاچان بالیا
سلام اولا او قیزا قلبین إتیلر یاره
کجاودن یخیلیب چولده قالدی آواره
سلام اولا اوقیزا یوللار اوسته آغلاردی
ایاقلارین یاره سین معجرینن باغلاردی
آقامون عشقی منیم روحیمی بیباک ایلیب
یوزومی بیر سوزومی بیر آدیمی پاک ایلیب
طبعیمی تیغ خطرساز و شررناک ایلیب
چوخ شقیلر اورگین شعرلریم چاک ایلیب
چوخ سوزوم اوخ ویریب اعدایه حسین نوکریم
کربلا عاشقیم خون و شهادت سسیم
بیمدد پادشهین ملتمس بیکسیم
نه مسیحم نه ده کی جنته خاطر اَسیم
باخمارام کوثره من چون که حسین تشنهسیم
عرض ادب به ساحت حضرت اباعبدالله
بوحسین کیمدی که قنداقی گویه ناز ائلییب
بوحسین کیمدی که زهرانی سرافراز ائلییب
بوحسین کیمدی که عشق آیه سین آغازائلییب
بوحسین کیمدی که الله آدینا عاشق اولوب
بوحسین کیمدی که سرنیزده ده ناطق اولوب
بوحسین کیمدی که اسلام ائوین اباد ائلدی
بوحسین کیمدی اوزی فطرسی آزاد ائلدی
بوحسین کیمدی عدوفکرینی برباد ائلدی
ورود_به_شام_زبانحال_حضرت_رباب (س)
اثر مداح و شاعر اهل بیت
#حاج_شیخ_محمد_تقی_جابری
یتنده قافله عشق باب ساعاته
بهشت رشگ آپاراردی صفای شاماته
نی اوسته جلوه گر اولموشدی آی کیمی شهدا
فضای ظلمت شامه ویرردی نور و ضیاء
بیراوجا نی ده ولی راس میر عشق و وفا
سالاردی گون کیمی بیر جلوه جهان آرا
نه جلوه جلوه لنوب نیزه اوسته آیت عشق
عوالم ایچره مبرهن اولوب حقیقت عشق
خرابه_شام
اولوب سندن صورا ویرانی کنجی مسکنیم قارداش
ولی قورخوم بودی اولسون خرابه مدفنیم قارداش
سالوبسان نچه مدتدور من غمدیده نی گوزدن
دیردی کیم بو نوعیله دونر عالمده یوز یوزدن
ندور باعث علی قارداش علاقه کسموسن بیزدن
دیمورسن کنج غربتده باجیم واردور منیم قارداش
ایدبدور طایر روحیم سر زلفونده کاشانه
او کاشانه سراغنده دوشوب کوه و بیابانه
ویروب ویرانه ده منزل سنون عشقون بو نالانه
اولوب فکر سر زلفون همیشه مامنیم قارداش
اسیر شام ومدینه غزالیم قارداش
ئوزوم علی قزی یاسلی عزالیم قارداش
دیار کوفه وشام وحلب مسافریم
ایاقه دور نجه گور ماجرالیم قارداش
گیدوب جلالیم الیمدن حسین باشیم آغاروب
دینمورم نجه باشی بلالیم قارداش
سزادی دولسا نوائیله نینوا دشتی
من آغلیاندا-که نی تک نوالیام قارداش
اسفلی شکوه لریم واردی مخبر شامم
شکسته دور ئورگیم نینوالیم قارداش
گیدنده نعشیوی عریان قوم اوسته گورموشدوم
کفنسیز اولماقیوا دفن-حالیم قارداش
ئوزون بلوردون اوگون باشدا معجریم یوخودی
او عذرین ایندیده غرق ملالیم قارداش
یارالی گون قاباقیندا سنی قویوب گیتدوم
هله او گیتماقین افسرده حالیم قارداش
خانملیق ایلدیقیم کوفه ده نلر گوردوم
باشون گوروردی نجه ابتلالیم قارداش.
به یاد استاد منعم اردبیلی :
.
بو یاس نه یاسدی بیلمورم تمام عالم آغلیور؟
بو ذبح اولان جنازیه بساط اعظم آغلیور
مین اوچیوز ایرمی‌یدّی ایل کچوبدی قانی داشلانور
تمام شرق و غربیده بو انقلاب باشلانور
قویوبلا چولده آی بابا آنام باجیم ملرمنی
سالوبلا ئوزگه لر کیمین گوزیندن عمه لرمنی
نئجه ئوزین وررار سودا ساقا صولا سنق گمی
اوحاله قالمشام بابا گوزوم گورنده کولگمی
نه آی چخور نه کهکشان ایتورمشم دوشر گمی
اجل بهانه آختارور سراغ ایدوب گزر منی
قویوب گور ایندی بو گجه فلک کیمیله باش باشا
بیر اوچ یاشیندا قوورخولی قزی سالوبدی,داغ داشا
ایاق یارالی چاتمور ال نه باجیا نه قارداشا
نوحه حضرت رقیه(س)
اکبریم گلینجه اولسم دفنیمی یوباندیر عمّه
نعشیمی آلیب ال اوسته، باشینه دولاندیر عمّه
یوخ سوزوم بو اولمک عمّه «امر حیّ لم» یزل‌‌دی
باجیلار اولنده امّا قارداشی اولا گوزلدی
ائیلیین بیر آزجا تأخیر، بلکه اکبریمده گلدی
کفن و دفنیمی بیر آز سن ساخلا ال یوباندیر عمّه
عرض ارادت به امام حسین علیه السلام ازمرحوم میرزا حیدر صرّاف.
ای حسیـن ای شـرف آل عبــا
بیزی گَل سَن اَلی بوش سالما یولا
مایــه‌ی عـزّت و جاهیم سن سن
ایکــی دنیـاده پنــاهیم سن سن
قاپوین سائلیم آدیوین عاشقیم
سن سن عالم‌لــره آیــات جلی
کُـلّ بومــاخلقیــن بی بدلــی
سنــه قربـان اولوم ای ماه جمال
سن سن عالمـده گوزللر گوزلی
آتـش عشقـه آلشدیـم گلدیــم
قولای اولسامدا چالشدیم گلدیم
هامی گـوردوم گلوری بو قاپیـا
منـده بو جَمعه قاریشدیم گلدیم
ای اولان فاطمیــه دردانـــه
بیـزی عشقین ایلیـوب دیوانــه
من سنون گُل آدیویـن عاشقیم
آنــد اولا سـن اوخیـان قرآنـه
سنـه مـن ای گــل طاهــا نه دیوم
بیلـوسن دردیمـی آیـا نـه دیوم
منـی مــولا الـی بــوش ایتسن اگر
دوست‌و‌دشمن سوروشاندا نه‌دیوم
دیمـورم مـلک جهـان رهبــریم
دیمـورم کنـز وفــا گــوهریم
بیــر مــدال شرفیم واردی منیم
مــن سنــون نـوکروین نوکریم
گَل بیـزی غَملَـرَه مأنوس ایلمه
صوری عاشق‌لـره پابـوس ایلمه
بیلورم سن آناوی چوخ سُوَوسن
سَنی زهرا بیـزی مأیـوس ایلمه
قاپوین سائلیم آدیوین عاشقیم.
آخماز علی فلکده ستاره سنون کیمی
گلزاریده یورولماز هزاره سنون کیمی
گل برگینه خزاندا کچر خار زهرناک
اولماز نشان سه شعبه لی خاره سنون کیمی
ماهی سودان کناره دوشنده چالیخلیار
دوشمز ولیک زجر و فشاره سنون کیمی
راضی اولمازدی باجون آیریلا سندن قارداش
فلک آخرده آییردی سنی مندن قارداش
قافلم یولانیری شمریله شامه گیدیرم
روحیمی آز قالیری آیریلا تندن قارداش
پیکرون گلشن جاندور نه گوزل گوللر آچیب
هانسی بلبل دونی گور بیله چمندن قارداش
آت نظردن طعنه ی بیگانه نی
رهنمای عشق بیل پروانه نی
بوشلا حورا وصلتین جنت باغین
زلف دلبرده دولاندیر شانه نی
قیر هوای نفسوون زنجیرینی
سالما چوخ تنگه دل دیوانه نی
گوهر نایابون اولسون خبره سی
قصریدن چخ گز دولان ویرانه نی
عشق یعنی مست اولوب بی ادعا
الده محکم ساخلاماق پیمانه نی
مدعی سن عشقه گر عار ایلمه
حقی دی ور نعره ی مستانه نی
گز ارادت کوچه سینده چخ باشا
سسله مستانه یاشا زینب یاشا
استاد تقی سیفی
آی باتدی صبح آچلدی، زینب نوایه گلدی
آی باتدی صبح آچلدی، زینب نوایه گلدی
زهرا دئدی حسین وای، عالم صدایه گلدی
**********
چون یخدیلار آتندان، سلطان تشنه کامی
دنیایه اوْلدی اعلان قتل‌الحسین پیامی
جنّاتیدن ائشیتدی پیغمبرگرامی
نعلئین‌سیز عباسیز کرب وْبلایه گلدی
ماکه از عشق حسین ابن علی دم میزنیم
دم زاندوه و الم در ماه ماتم میزنیم
بسته ی زنجیر عشقیم و بنام خضرتش
بر سر بر سینه در شهر محرم میزنیم
ای که میخندی بر احوال پریشان خاطران
مابساط فتنه را همواره برهم میزنیم
ای وهابی خبیث ایا نمی دانی که ما
*(بردهان یاوه گویان مشت محکم میزنیم)
خزان اولسون گوروم گلزاری گلدن بلبل آیریلسون
ایاقدان سرو دوشسون شاخه سیندن سنبل آیریلسون
گوروم بلبل قزل گل شاخه سیندن ورماسون چه چه
بسان غنچه لال اولسون دلیندن خوش,دل آیریلسون
مجلس الستیده طرح اولوب بو مسئله
باهم عهد باغلادوق اوردا ویردوک ال اله
سن اسیر دشمن اول من گیدیم بو مقتله
منشی قضا بله الیوب رقم باجی
منیم گۆل تک سوْلان اوْغلۇم
علـی لای‌لای بــالام لای‌لای
جفـاده‌ن اوْخــلانـان اوْغلـۇم
علـی لای‌لای بـالام لای‌لای
عطش سنده نمایاندور
عجب حالون پریشاندور
بوْغازۇن پئیکرون قاندور
علی لای‌لای بالام لای‌لای
بیلمدیلر طبیب لَر دردیمیزه دوا حسین
چاره سی اولسا چاره سی،سنده دی سنده یا حسین
مهرومحبتون سنون قلبلَر ایچره خیلی دور
میل ائلیور هامی سنه بیلمیورم نه میلی دور
خلق جهان تمامیسی درگهووه طفیلی دور
لطفووه گوز تیکوب هامی شاه اولا یا گدا حسین
گتدی عمون سکینه جان،قانه بویاندی گلمه‌دی
وردیگی اوز سو قولونا، سندن اوتاندی گلمدی
رزمده گوردو نظملن لشکرکفری صف به صف
شطّه گدیبدی شیر تک، وارث شهنه ی نجف
زبان حال حضرت زینب (س) در اربعین حسینی (ترکی )اثر : استاد علی نظمی تبریزی
نام شعر : نه سن سوروش نه من دئییم.
نه جور پوزولدو گولشنیم، نه سن سوروش،نه من دئییم
نئجه اولدو سرو و سوسنیم، نه سن سوروش،نه من دئییم
اوره کـده بو دؤیونمه لر ندیر ، نـه دوشـــــدو یادیما ؟
نه دن اوجالدی شیونیم، نه سن سوروش، نه من دئییم
فلک منهنـه ظولملر ائدیبدیر ، اوستون آچمـــــیرام
نه قدر وار غمیم منیم ،نه سن سوروش، نه من دئییم
بو شهرین اهلی بیر به بیر ،وفالی دوســـتدور منـه
منیم کیم اولدو دشمنیم، نه سن سوروش،نه من دئییم
گلمیشوخ ای شیعه‌لر شام غریبانه بیز
ویرماقا باش ساقلیقی زینب نالانه بیز
بوگجه بیز گلمیشوخ نوحه ایداخ آغلیاخ
آغلیوب اول سروره سینه‌میزی داغلیاخ
تشنه اؤلـن سروره جمله عزا ساخلیاخ
شیونیله گلمیشوخ جمله شبستانه بیز
بو یاس نه یاسدی بیلمورم تمام
عالم آغلیور
بو ذبح اولان جنازیه بساط
اعظم آغلیور
مین اوچ یوز ایرمی یدی ایل کچوبدی
قانی داشلانور
تمام شرق و غربیده بو
انقلابی باشلانور
بو قاندا بیلمورم نه وار چیخوبدی
عرشه هلهله
بو قان نه قاندی ای خدا سالوب
جهانه زلزله
آچاندا قبری گوردیلر یارالی
بیر جنازه دور
"غزلهای ترکی از گلبانگ نظمی"
دئدیم: اینجیتمه منی، دیدهۀگریانیما باخ
دئدی: دردین منه اظهار ائله درمانیما باخ!
دئدیم: ای فتنه منی بی سرو سامان ائله دین
دئدی: هر کوچه ده یوز بی سر و سامانیما باخ!
دئدیم: اُول چاه کی یوسف اوتا دوشدی هارادی
دئدی: چوخ گئتمه اوزاق چاه زنخدانیما باخ!
دئدیم: اُل سینه ندیر؟ باخماقیلان دویموری گوُز
دئدی: من هاردا دئدیم چاک گریبانیما باخ؟
دئدیم: احوالیمی اُل غمزه پریشان ائله ییب
دئدی: هرگوشه ده بیر جمع پریشانیما باخ!
دئدیم: ایرانه مباداگینه لشکر چکه لر
دئدی: باک ائتمه! منیم صف زده مژگانیما باخ!
دئدیم: اُل "نظمی"یه نظمی! گینه طبعین گول ائلیر؟
دئدی: ذوقین وار اگر، دفتر و دیوانیما باخ!
دئدیم: آراسته سن، شادلیق اوزوندن توکولور
دئدی: آچ سینه می، مین لر غم پنهانیما باخ!
بیر لحظه کامه چاتمیر اوره ک روزگاره باخ
رحم ایلمیر بوگوُن ده منه یار، یاره باخ
هر کیمسه یه دئدیم غمیمی گولدی حالمه
طاق اولدی طاقتیم، غمه باخ، غمگساره باخ
مین ایلده اولسا محلتمیز قورتولار، ولی
قورتولمین هوسلره باخ، انتظاره باخ
قیصر نجه اولدی؟ قصرینی کیملر داغیدیلار؟
عبرت گوُزیله عزته باخ، اعتباره باخ
بو گولشنین طراوتی دائم قالان دییل
دوُلدور پیاله نی، گوله باخ، گولعذاره باخ
مندن زمانه ده بو غزل یادگاردور
بیر گون کی تاپمادین منی بو یادگاره باخ
"نظمی" اگر چه ظاهری پوزقون دییل، ولی
آچ غملی سینه سین جگر داغداره باخ.
حضرت زینب(س) در قتلگاه برادرش امام حسین (ع) اثر: یحیوی
یارالار سینوْندا قارداش، گۆل-ی-گۆلسیتانه بنزه‌ر
آغارێب منیمده زۆلفۆم، چمن-ی-خزانه بنزه‌ر
نئجه شرح ائدیم برادر باشێمێن مصیبتینده‌ن
کی گؤرۆندۆ بیر نمونه بشرین قیامتینده‌ن
نئچه ساعتین ایچینده، غم-وْ-جور شدّتینده‌ن
باجۇوۇن رشیده قدّی، اگیلیب کمانه بنزه‌ر
