"راضی اولمازدی باجون آیریلا سندن قارداش"
چهارشنبه, ۶ آبان ۱۳۹۴، ۰۴:۴۱ ب.ظ
راضی اولمازدی باجون آیریلا سندن قارداش
فلک آخرده آییردی سنی مندن قارداش
قافلم یولانیری شمریله شامه گیدیرم
روحیمی آز قالیری آیریلا تندن قارداش
پیکرون گلشن جاندور نه گوزل گوللر آچیب
هانسی بلبل دونی گور بیله چمندن قارداش
کاش ئولم منده کنارینده دوشم مقتلیوه
بوردا دفن ایلیه لر زینبی سندن قارداش
قوی دیوم نیلدی سندن صورا سعد اوغلی حسین
انتقام آلدی نچه خسته بدندن قارداش
ویردی دستور ایدون غارت علی قیزلارینی
دست غارت اوجالیب اهل فتندن قارداش
ویردیلار اود ایویمه یاندی کول اولدی اولانیم
بیر زادیم قالمادی سوغات وطندن قارداش
خیمه لر یاندی بیابانه داغیلدی بالالار
نجه یغدیم اولاری دشت و دمندن قارداش.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.