"آخماز علی فلکده ستاره سنون کیمی" استاد انور اردبیلی.
آخماز علی فلکده ستاره سنون کیمی
گلزاریده یورولماز هزاره سنون کیمی
گل برگینه خزاندا کچر خار زهرناک
اولماز نشان سه شعبه لی خاره سنون کیمی
ماهی سودان کناره دوشنده چالیخلیار
دوشمز ولیک زجر و فشاره سنون کیمی
صیادیلر بو رسمیدی آهونی صید ائدر
ویرمازلا حلقنه ولی یاره سنون کیمی
هانسی بیر اوچی قاشمیان آهونی اوخلیوب
ظلم ایلوبله هانسی شکاره سنون کیمی
یاندیقجا شمعلر توکولر اشکی دامنه
آخماز سرشک گرمی عذاره سنون کیمی
شیرین طعامیله صود امر صوددن آیریلار
صودن دوشه چتیندی کناره سنون کیمی
دردین دیر اوغول دیلی اولسا آتاسینه
ائتمز آتا یوزینه نظاره سنون کیمی
دیلسیز لری دیله گتورر دیلسیز ئولمگون
رمز غمی ائدله اشاره سنون کیمی
چوخدور غمیم وصاله یاخونلاشمیشام نه غم
تحفه واریمدی محضر یاره سنون کیمی
بزم نگاریده الی بوش قویمادون منی
گل یوللارام حضوره نگاره سنون کیمی
زینب بی بون باخور سنه من هاردا قبر آچوم
قویماز آتا بالانی مزاره سنون کیمی
شعر از مرحوم انور اردبیلی.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.