ساقی لب تشنه گان تشنه سرداریم اویان/ یاتما قان ایچره بئله ای علمداریم اویان" نوحه شاه بر بالین وزیر.
نوحه ی شاه بر بالین وزیر
ساقی لب تشنه گان تشنه سرداریم اویان
یاتما قان ایچره بئله ای علمداریم اویان
سنکه وئردون قولارون عشق جانانه فدا
روز اول باغلانان عهدیوه ائتدون وفا
ساحال علقم دونوب اولدی گلزار صفا
خار اولوبدور همدمون روح گلزاریم اویان
اشتیاقون واریدی وصل حی داوره
همره اولدون عشقیله شبه طاها اکبره
فکر ائله ایندی اخا آلتی آیلیق اصغره
تک قالوبدور اصغریم تا اولا یاریم اویان
سن دوشندن دوشموشم بیر قوتارماز مشکله
کشتی روحیم دوشوب بو مصیبتدن گله
بحر غمدن سن اوزون چک حسینی ساحله
سلسه بیر یول یاحسین ای فداکاریم اویان
تا علم دوشدی یئره رنگ غم دوتدی سما
خیمه لرده باشلانوب غصه دن شور و نوا
دوتدی هریانی اودم موج غمبار بلا
غم غم اوستوندن گلوب اولدی غمخواریم اویان
گوزدن ای کان وفا ماسوانی آتموسان
گوئیا راحت اولوب قوملار اوسته یاتموسان
قانلی قربانگاهیده ایله قانه باتموسان
قان توکور بو غصه دن چشم خونباریم اویان
ای سپهر غیرتین قانه باتمش کوکبی
من نئجه قیزلاریما فاش ائدیم بو مطلبی
تاپشوروم آیا کیمه خیمه لرده زینبی
بی کمک قالدی باجیم ای مددکاریم اویان.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.