"بیلمدیلر طبیب لَر دردیمیزه دوا حسین" استاد مضطر اردبیلی.
چهارشنبه, ۶ آبان ۱۳۹۴، ۰۴:۱۴ ب.ظ
بیلمدیلر طبیب لَر دردیمیزه دوا حسین
چاره سی اولسا چاره سی،سنده دی سنده یا حسین
مهرومحبتون سنون قلبلَر ایچره خیلی دور
میل ائلیور هامی سنه بیلمیورم نه میلی دور
خلق جهان تمامیسی درگهووه طفیلی دور
لطفووه گوز تیکوب هامی شاه اولا یا گدا حسین
گول نَقدر لطیف اولا موسمی کِئچسه تئز سولار
هرچه عزیز شخص ئوله آخر عزاسی ترک اولار
بیلمیورم نه سّر وار خلق بلوط کیمین دُولار
هاردا که ذکر اُلور آدون اُوردا اولور بَکا حسین
خرداجا خرداجا اوشاق کیم اولارا وئروبدی یاد
اُویناماقیندان اَل چکوب جمله اِئدولَر اتحاد
ئوز آدین آنامور دیه دیللَرینه گلور بو آد
گاه دیوله واحسن گاه دیوله واحسین
من اُو وجود هیچیدوم خلق یانندا کاالعدم
کاالعدم وجودیمی آدون ائدوبدی محترم
(مضطر)اردبیلیدن سایه لطفون اِئتمه کم
ای آدی کیمیا حسین آدووه جان فدا حسین
استاد مضطر اردبیلی.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.