احوالات ورود به مدینه (استاد معزی اردبیلی)
#احوالات‌ورودبه‌مدینه
________________________
ای دل وطنه مکّه مسافرلری گلدی
اهل حرمون باشدا قرا معجری گلدی
:rose:
صدّیقهٔ کبری دیدی ای شهر مدینه
زهرا قیزینون صورته اشک تری گلدی
:rose:
سن ائتمه قبول عترت یاسین پوزولوبدور
سانما سنه آزاده‌لرون رهبری گلدی
:rose:
ای دل وطنه مکّه مسافرلری گلدی
اهل حرمون باشدا قرا معجری گلدی
:rose:
صدّیقهٔ کبری دیدی ای شهر مدینه
زهرا قیزینون صورته اشک تری گلدی
:rose:
سن ائتمه قبول عترت یاسین پوزولوبدور
سانما سنه آزاده‌لرون رهبری گلدی
دستور وئروب زین‌العبا خیمه قورولسون
فوراً قاباقا نوکر و فرمانبری گلدی
:rose:
خیمه قورولوب زینب علیا دئدی نوحه
معناده غمه فاطمهٔ اطهری گلدی
:rose:
امر ائتدی بشیره آقا گئت شهره خبر وئر
خیرالبشرون عترت غم پروری گلدی
:rose:
امرین ائدوب اجرا اَله قاره علم آلدی
تئز اولدی حسین وای دیلینون ازبری گلدی
:rose:
سسلندی بیلون قتل‌الحسین اهل مدینه
دل کربِ معلّاده قالوب دلبری گلدی
:rose:
قاره گیونون قاره چکون یکسره شهره
چون ئولدی حسین نائب پیغمبری گلدی
:rose:
قزلار کی ایگرمی بش اولاردی سایی گئتدی
یولّاردا چوخی ئولدی بورا کمتری گلدی
:rose:
زهرا قزینون قامتی غمدن بوکولوبدور
آق زلفیله بطحایه وفا مظهری گلدی
:rose:
اوغلانلاری اللرده اولوب امّ بنینون
نه فضلی نه عبّاسی نَدَه جعفری گلدی
:rose:
پیشوازه چیخون تازه گلینلر قالا ائوده
یوخ گوشیده گوشواره حسین دختری گلدی
:rose:
تأخیره سالا طویلارینی تازه جوانلار
چون اکبروزون شهره غم دیگری گلدی
:rose:
گلسون آنالار صودامری قالسون ائوینده
شه بانوی دینون دئمیون اصغری گلدی
:rose:
اللرده ئولوبدور صودامر اوغلی ربابون
ترپدمگه خالی بشیگین مادری گلدی
:rose:
وقتی کی بشیر کوی بنی هاشمه چاتدی
صغرا ائله فکر ائتدی گئدن ائللری گلدی
:rose:
عرض ائتدی الیمدن یاپیش ای جدّه گئدیم من
شهرین ائله بیل ماه ملک منظری گلدی
:rose:
فرمایش ائله فاطمه اولسون گوزون آیدین
گئتمیشدی جوانان وطن مفخری گلدی
:rose:
منلن گئدک آچ اکبریمون باغلی اوطاقین
صغرانون ائوه دلبرِ مه پیکری گلدی
:rose:
روشن ائلیوم شمع و چراغین اوز الیملن
گلزار وفانون گل نیلوفری گلدی
:rose:
سویلردیم علی جان طویوا آرزیلاریم وار
وار شکریم حقه سوزلریمه مشتری گلدی
:rose:
دعوت ائدروک تازه جوانلار طویا گلسون
الده گورَرَم تای توشونون عنبری گلدی
:rose:
صغرا نئجه کی چادره محنتله یتیشدی
بیر عورت اوگون الده قرا معجری گلدی
:rose:
سالدی باشینا بیلدی علی اکبر ئولوبدور
گوز یاشلی دیله اکبرون اوُل خواهری گلدی
:rose:
گل جدّه ائویم گور نئجه یثربده یخیلدی
قارداشیم ئولوب اوستومه غم لشکری گلدی
:rose:
غشّ ائتدی دوشوب تپراقا محبوبهٔ اکبر
یاندی حالینا جدّهٔ نوحه‌گری گلدی
:rose:
نصف شبیدی اشک ترین توکدی (معزّی)
فریاده بو شعرینده حسین نوکری گلدی
:rose:
#استادمعزی‌اردبیلی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.