ای آخان قان پنجه سیندن/ رزمگاهون شیری قارداش (صحاف)
پنجشنبه, ۲۶ شهریور ۱۳۹۴، ۰۳:۲۱ ب.ظ
#نوحه عرب
#زبانحال امام (ع) به قمر منیر بنی هاشم (ع)
#از استاد محمدحسین جنتی مقام(صحاف تبریزی)
#از کتاب دیوان صحاف
ای آخان قان پنجه سیندن/ رزمگاهون شیری قارداش
دور گلوب گون باشون اوسته/ آل اله شمشیری قارداش
یاتما ای شیر شجاعت
ایله اسلامه حمایت
آه او گوزلر که ابالفضل/ قورخودان یاتمازدی راحت
ایندی آسوده یاتالار/ سن سیز ای کان شجاعت
بو پیمبر قیزلاریندان/ بیرده کیم ایلر حمایت
زینبون اوج ایلر عرشه
ناله ی شبگیری قارداش
تا سسون گلدی خیامه/ ناامید اولدوم اوزومدن
انکسار معنویت/ آشکار اولدی یوزومدن
گتدی الدن اختیاریم / خون دل آخدی گوزومدن
پوزدی حال اهل بیتی
حالیمون تغییری قارداش
ای اولان سو اوسته عطشان/قانینه غلطان ابالفضل
نوک خاریله وجودی/ گل کیمی خندان ابالفضل
بو اوغولسوز جانیم اولسون/جانوه قربان ابالفضل
گلماقا آردونجا اولماز
قارداشون تاخیری قارداش
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.