نام نوحه : کوچ از قتلگاه زبانحال حضرت زینب کبری(س)
نام شاعر :احد عدلجوئی غازانی متخلص به : (عدل جو )
دور ای دین خدانین تشنه لب قربانی من گئتدیم
آنام زهرانین ای پرپر اولان ریحانی من گئتدیم
سن ئوز ایثارویله ایلدون اسلامی پاینده
ویروب قان ساخلادون دنیا بوئی قرآنی ایمنده
قسم اوز جانیوه زنده بو قانی ساخلارام منده
باجون قویماز یاتا سن قویدوقون بنیانی من گئتدیم
خروشان سیل تک سندیردی قانین سدٌ بیدادی
قویوب جان نقدی ایتدون خرابه دیری آبادی
گلن ادواره یازدون قانیله دیوان آزادی
باجون منشور ایدر سن یازدیقین دیوانی من گئتدیم
