"حسین شهبازوُم سیندی پَریم دعواده گل قارداش"
حسین شهبازوُم سیندی پَریم دعواده گل قارداش
دوشوب شمشیر اَلیمنَن یالگوزام امداده گل قارداش
خماره کوثرَم سَحبایَه عشقین مَستی ام تِز گل
لباسیم نیزدوز؛پیکان؛برادر خستی ام تِزگل
جَمالون گُورمَسم جان وِرمَرَم جان اُوسته ام تِزگل
اَگر سن گلمسون؛باش وِرمَرَم جلاده گل قارداش
حسین مَندن رضا اُول عشقیده ثابت قدم دوردوم
یارالی باشی اُون یدی نفر جلاده تاپشیردیم
اُوزوم یاندیم فراقونده آنام زهرانی یاندردیم
گلوب الان باشیم اوسته انام زهرا ده گل قارداش
اَخا سَهو صلابتدن دوشن بیر یارَلی شیرم
سویوم یوخ قیزلاروندان شرمسارم جانیدن سیرم
گلوب تحویل آل ایندی پرچمون قارداش زمین گیرم
سنوب شاخم گدوب گولبرگ عمروم باده گل قارداش
سنخ کشتی کیمی دریاده لنگر سالمیشام تزگل
یتیش فریادیمه دندانه شمشیر الموشام تزگل
عمود اتدا اچوق باشیله یالقوز قالموشام تزگل
عجایب منظریم وار دوغرانان اعضاده گل قارداش
دریغا حربه سیز بیر پهلوانم قالموشام یالقوز
گلوب گورسون سَنیده یاندیرار بو قصه دلسوز
عمود اهن؛اچوق باش؛سنگدل دشمن؛اُوزوم قولسوز
مروت یوخدی بیر زره دل اعداده گل قارداش
به حمدا...سرافرازم باشیمدا تاج عزت وار
یارا اُوستن یارا دَیسه گینه جسمیمده طاقت وار
گلن بیر ورسا گده اوندا چوخ مروت وار
ایله یاره ورورلار گلموری تعداده گل قارداش
سنه یوخ تسلیت عرض ایلین بو غمده چاقونده
منه رحم ایله تزگل یانمیوم نار فراقونده
سنون قربانوَم ذبح ایلسون قاتل قباقونده
خیامی ترک ایله عباسوی سال یاده گل قارداش
بو سُودا یاخشی سود ایتدی رضا گر اولسا معبودیم
دگوب اوخ سجده گاهیمدن داغیلدی شهد مقصودیم
چکنده دیزلریمدن اوخ باشیمدان دوشدی خودینیم
دلیر بیر پهلوانون باش اچوق هیجاده گل قارداش
کسیلدی اللریم پروا داخی صلب اولدی دشمندن
منی یالقوز گوروب لشکر قییدی اوستمه بیردن
دگوب اوخ مشکه سو گیتدی خجالت اولدوم اصغردن
اُوشاق ایا نه بیلسون یوخدی سو سقاده گل قارداش
سیاحت موقعی جمعه گونی ساعات بیکاری
نخستین منزویلن یازدیلار باهم بو اشعاری
توجه قیل اولان وقته دَمَنده صور بیداری
اولارین دادینه سنده همین اثناده گل قارداش.
التماس دعا
مهدی