"ئورک سوزون بیان ائدوب حسینه روحیمیز فدا" اثر استاد معزی اردبیلی.
ئورک سوزون بیان ائدوب حسینه روحیمیز فدا
گلوبدی گوئیا بئله مقام قدسیدن صدا
حسین حسین ازل گونی سنی فدا یاراتمیشام
نمازین اولسا مشکلی گره گشا یاراتمشام:
مقابلینده عشقوون حسینیم احسنیم ندی
ئوزون بهشت سن وئرم بهشت مأمنیم ندی
سنوندی هر نئیم واریم سنون ندی منیم ندی
تمام انس و جنیمه سنی آقا یاراتمشام
قیامه چیخدون ایلدون وجودووی فدای عشق
اوجالدی شأن ومرتبون قوی لنوب بنای عشق
تمام عاشقیم دیر حسیندی تک خدای عشق
خدا منم،دوز عشقیمه سنی خدا یاراتمشام
ووروبدیلار جفا داشین بلا چولونده گوزگیه
لباس مهرو رأفتی لزومی واردی گوز، گیه
سالوبدی سایه جبرئیل محبت ائتمز ئوزگیه
او جبرئیلی خادم حرمسرا یاراتمشام
ووروبدی قلبووه اوخی منی سنی دانان عدو
داغون واریدی داغوه یاروی اوخ ائدوب رفو
ارادوه صد آفرین بیرینده ایتدون آرزو
بیر عالمیجه من سنه وفاصفا یاراتمشام
اگر یانور جگرلرون جناندا کوثریم سنون
اگر ئولوبدی اکبرون کرات اکبریم سنون
اگر سویولسا کوینگون حریر بهتریم سنون
حضوریمه گلنده گئی گوزل قبا یاراتمشام
اگر سولوبدی گللرون بهشتیده چمن سنون
اگر سویولسا خیمه لر زمین سنون زمن سنون
اگر منه شهیدسن جلالیمیله من سنون
ئوزومدن آی گولوم سنی مگر جدا یاراتمشام
التماس دعا
استاد معزی اردبیلی.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.