حسینی حشریده اولماز بلا گرفتاری
اولان امام علیّ النّقی عزاداری
فغان و داد سپهرین بو کجمداریندن
گوتورمز ال ستم و جور بی شماریندن
ایدوب رسول کرام اهل بیتینی مظلوم
اوتانمیوب اولارین چشم اشکباریندن
تمام آل محمّد اولوب بلایه دچار
سالوب فلک اولاری آِری غمگساریندن
برای مشاهده کامل شعر به ادامه مطلب مراجعه کنید
مرحوم_حسینی_سعدی_زمان
وصیّت حضرت زهرا (س)
ئولورم غم فراقه اولورام دچار عم اوغلی
گل اوتور ایدوم وصیت من دلفکار عم اوغلی
منه ایتمه قبر تعیین قوی اولا مزاریم ایتگین
گلر اون بیریمجی اوغلوم ایدر آشکار عم اوغلی
_______________🔸🔷🔸_________
دگولم رضا اولار که منی سالدی اضطراره
بُله لر نه یردی مدفن من زار و دلفکاره
گئجه غسل ویر گئجیله کفن ایله قوی مزاره
که بُلونمسین بتوله هارادور مزار عم اوغلی
برای مشاهده کامل به ادامه مطلب مراجعه کنید
_______________🔸🔷🔸_________
وداع حضرت علی اکبر علیه السلام
از سیدرضا_حسینی_سعدی_زمان
علی اکبر نجه لیلا سنون تک گلدن آیریلسون
جفآی خاریله مشکلدی گول بلبلدن آیریلسون
سنین عشقینده مجنونم اگر چه لیلی مشهورم
ایکی جسم ایچره بیر روحوخ ولی صورتده مهجورم
اورکدن چکمورم ال نیلیوم یوخ چاره مهجورم
محال ایشدور غم هجرین ئولنجه دلدن آیریلسون
میلاد امام رضا (ع):از مرحوم سیدرضا حسینی متخلص به (سعدی زمان):
ای نسیم صبحدم مُردم ز درد اشتیاق
رو به خاک طوس یعنی قبله گاه نُه رواق
بوسه زن بر آستان قدس و آن گه عرضه دار
ای به قربان سگان کوی تو طال الفراق
ویردی باش چرخ امامتدن بو گون شمسُ الشّموس
قیلدی آفاقی منوّر طلعت سلطان طوس
اون ایکی تعیین اولوب قرآندا تعداد شهور
دوردینی شهر الحرام ایلوب خداوند غفور
یعنی حجّت اون ایکی، دوردی علی، مشکات نور
بو اوچومجی بیر علی دینه تولّاسی رئوس
قدحیدور مدحینده عرض ایتسم جمالی ماهیدور
گون بو خورشیدین هواسینده غبار راهیدور
سرّی سرُّ ا...دور، وجهی جمالَُ ا...دور
پرده ی صبح ازلده نور آلوب بوندان عکوس
نوحه در شهادت حضرت امام حسین (ع) - قتلگاه
از مرحوم #سیدرضا_حسینی_سعدی_زمان
کتاب #چهارده_معصوم_حسینی
#صفحه 145
گوردی قدسیان جان ویرور حسین، گیزلنور نفس تازه قان گلور
العطش دیور شاه مشرقین اوخ ویران گیدور داش ویران گلور
گوردی قدسیان جان ویرور حسین، گیزلنور نفس تازه قان گلور
العطش دیور شاه مشرقین اوخ ویران گیدور داش ویران گلور
دسته دسته نیزه وران گیدور، ایلیوب هجوم اوخ آتان گلور
بیر نفر دیمور بو کومکسیزی بیر بیله جماعت ند‌ن ویرور
نه گناهی وار بو اوغولسوزون ، اشقیای دور زمن ویرور
قربتا" الی‌الله خیالی وار، هر گلن ویرور هر گیدن ویرور
دسته دسته نیزه وران گیدور، ایلیوب هجوم اوخ آتان گلور
العطش دیور شاه مشرقیین، اوخ ویران گیدور، داش وران گلور
زبانحال حضرت علی (ع) بعد از شهادت حضرت زهرا (س). سعدی زمان
ای دودمانیمین یوزی شمع شبانه سی
گئچدی علی چراغی خراب اولدی خانه سی
گیتدون خلاص اولدون اوزون رنج و غصّه دن
ایتدون علینی تیر مصائب نشانه سی
جسمیمده روحیمون قوشی محبوس اولوبدی کاش
محبوس بیر قوشون کسیلیدی ترانه سی
یوخ خیر سن سیز عمرده یا خیره النساء
سینسون گوروم درخت حیاتین جوانه سی
قورخور حیاتی طول اولا خیبر شکن علی
وار دلده چون ئولونجه غم جاودانه سی
سعدی زمان رحمت الله وعلیه
باشسیز بدنونده آنام اوغلی یارا چوخدی
امّا باجیوی یاندوران اوچ شعبه لی اوخدی
ای کاش باجوندا یاراسندن چوخ اولیدی
یا بوندان ازل عالم امکان یوخ اولیدی
نه حرمله قارداش، نه کمان، نه اوخ اولیدی
باشسیز بدنونده آنام اوغلی یارا چوخدی
استمداد حضرت ابالفضل (ع) از مرحوم سیدرضا حسینی سعدی زمان
قولّاریم اولدی قلم قارداش حسین
سرنگون اولدی علم قارداش حسین
الاماندور، الامان امداده گل
گَلمه سن باش ویرمرم جلّاده گَل
مشکیمه اوخ ووردیلار قوم ضلال
گیتدی سو آخدی گوزیمدن اشک آل
خجلتیم ایلوب منی پژمرده حال
الاماندور، الامان امداده گل
احوالات حضرت امام موسی ابن جعفر الکاظم (ع)از مرحوم سعدی زمان 💠💠
دیسم قیامتیدی سوز غلطدی، محشرده
او شورش و او فغان و او آه و زار اولماز
تصوّر ایله نه حاله قالور خانم بالالار؟
کبار رام اولی بیر نحویله، صغار اولماز
مُحَجَّبات ویروب سس سسه دیردی تمام
حسین! سنون کیمی بیر مهربان نگار اولماز
احوالات امام عصر (عج)
از #سیدرضا_حسینی_سعدی_زمان
از کتاب #چهارده_معصوم_حسینی
#صفحه381
سالوب فشاره منی روزگار کینه نهاد
ایدم امام زماندان گرکدی استمداد
محسّناتیده گرچه نگاریم اکملدور
ولی یوزین گوره بُلمز او گوز که احولدور
جمال شاهد غیبی گورنمز اهل شهود
بو باب قدرت قهّاریله مقفّلدور
یازوب جمالینه والشّمسی کاتب قدرت
گون اوسته پرده چکوب زلفی لیل اَلیَل دور
جمالی گوندی، اوزی آی کیمی بولوتدا گزر
نه گون نه آی قمر و شمسدن بو افضلدور
شعر مرحوم حسینی سعدی زمان در ولادت امام زمان ( عج )
ای پیروان قرآن شد فصل عشرت امروز
بزدود دست غیبی از دل کدورت امروز
در سُرّ من رای شد نور خدا هویدا
سطح زمین تیره شد رشگ جنت امروز
در گلشن حسن شد بشکفته برگ نرگس
رخ داد عسکری را از دل مسرت امروز
شعر شهادت امام جعفر صادق ( ع ) از مرحوم سیدرضا حسینی سعدی زمان
حسین ذکرینه گوگلوم اگرچه شایقدور
ولی بو یرده خیالیم امام صادقدور
بلا بو رسمیدی اهل ولادن آیریلماز
اودور امام همیشه بلادن آیریلماز
دیوب بلایه بَلی یکسر عترت یاسین
خدا کلامیدی چون سینی یادن آیریلماز
بلا و محنت اسیری امام صادقه باخ
دوزر بلایه غم و ابتلادن آیریلماز
جلالت حضرت زهرا(من کلام:سعدی زمان)
درک ایدنمز عقول و وهم و قیاس آفتاب کمال زهرانی
اون بیر اولدوز ایله منوّر ایدوب آسمان جلال زهرانی
مثل و مانندینی گتیرماقدان حشره تک مام دهریدور نازا
شان مریم هارا بتول هارا گَتیروبدور اگر او بیر عیسی
اون بیر عیسادن اکمل و افضل گَتیروبدور بو عالمه زهرا
ایتمیوب خلق بیرده ایتمیه جاق حیّ اعلی مثال زهرانی
ای شهریار مُلک خراسان ولیّ دین(حسینی)
مشخصات مجموعه: امام رضا(ع)
ای شهریار مُلک خراسان ولیّ دین
وی خاک آستانه سی مسجود مسلمین
ای اسم پاکی علّت ایجاد کاف و نون
مامومِ ذوالجلال و امامُ الموحّدین
تشبیه ایدم بهشته اگر پاک مدفنون
ایراد ایده لّه فرضیمه اشخاص نکته بین
حسرتدی عرش و خلدِ برین خاک بوسینه
جنّات و عرشه مدفنیوین فخری وار یقین
طاق مُقَرنَس علّتی وار واژگون اولوب
اُپماقلیقا ترابیوی ایستور اولا قرین
صحنون گورن بهشت برین ایتسه آرزو
کفران نعمت ایلیوب ای شاه عالمین
شهادت امام حسن مجتبی علیه السلام
از مرحوم #حسینی_سعدی_زمان
دور حسین توکدی فلک کول باشیمه
وردیلر زهر جفا قارداشیمه
ویر آتام اوغلی ابوالفضله خبر
داده گلسون آل هاشم سربسر
باشلانوب تازه بلاسی باشیمون
بحر تک گور موجینی گوز یاشیمون
حالی پوزقوندور حسن قارداشیمون
دور حسین توکدی فلک کول باشیمه
آچ گوزون اولام گوزون قربانی من
سویله گلسون قاسم گل پیرهن
جان ویره آز قالدی قارداشیم حسن
دور حسین توکدی فلک کول باشیمه
زینبونده دیده گریانی گور
مجتباده ناله وافغانی گور
لبلرینده لخته لخته قانی گور
دور حسین توکدی فلک کول باشیمه
زینبونده دیده گریانی گور
مجتباده ناله وافغانی گور
لبلرینده ناله وافغانی گور
دور حسین توکدی فلک کول باشیمه
گل حسن قارداشیمه ایله نظر
گورنجه زهر جفا ایلوب اثر
سبز رنگ اولموش وجودی سربسر
دور حسین توکدی فلک کول باشیمه
من حسنده گوردوقوم حالی اگر
گورسن ای شاهنشه خونین جگر
گوزلرون رخساره خون دل توکر
دور حسین توکدی فلک کول باشیمه
شامیدن گَلدیم اویان قارداش حسین
حالیمی ایلوم بیان قارداش حسین
شامیدن گَلدیم اویان قارداش حسین
حالیمی ایلوم بیان قارداش حسین
بو بلالی باشدا قارداش قاره سی
قبریوه گَلدی وطن آواره سی
واریدی قلبیده چوخدان بو خیال
محضرونده ایلیِیدیم عرض حال
شکر لِلَّه تاپموشام بزم وصال
ای شه کون و مکان قارداش حسین
بوسنوما عشقون سالوب زنجیر عشق
ایتمیشم دلده آدون بیر عمر مشق
گاه اولوب کوفه یریم گاهی دمشق
مونسیم آه و فغان قارداش حسین
غزلی راجع به زبانحال حضرت رقیّه (س) به برادر بزرگوارشان حضرت شبه پیامبر علی اکبر (ع) از استاد مرحوم حسینی سعدی زمان.
خرابه ده منه یوخ کیمسه دادرس قارداش
ویره فغانه گَلنده سسیمه سس قارداش
خرابه ده منه یوخ کیمسه دادرس قارداش
ویره فغانه گَلنده سسیمه سس قارداش
انیس و مونسیم آه سحردی ناله ی شب
منه خیالون اولوب یاخشی هم نفس قارداش
مگر یوخوندی خبر سندن آیریلان گوندن
اوچوبدی روح، قالوب بیر قوری قفس قارداش
کسوب علاقوی سالدون نه تیز منی گوزدن
دیَن کیم اولدی باجوندان علاقه کس قارداش
باشیم اوجالیقی، باشیم آچوق قالوب سن سیز
باشیما سایه سالان یوخدی بیرجه کس قارداش
دونوب خزانه بهاریم، سولوب گُلیم چمنیم
آلوبدی دوره می بی رحم خار و خس قارداش
یزیده ناله ی شبگیریم ایلیوبدی اثر
قویوب خرابه ده اطرفیمه عسس قارداش
ایدنده ناله منه تازیانه وورسونلار
بو وورماق آغلاماقا آرتورور هوس قارداش
گَلنده شامه دوگولماقه عادت ایلمیشم
ز بس ووروبدی منی زاده ی اَنَس قارداش
من آغلیاندا قطاریله ناقه آغلاردی
ویرردی نالمه سس دم به دم جرس قارداش
اولوردی ملتمِس عمَّم که دوگمسونله منی
یاناردی ملتمِس آغلاردی ملتمَس قارداش
حسینی باطناً عنقای قاف وحدتدور
گورولّه خلق ولی ظاهراً مگس قارداش.
سعدی زمان.
