"حسین ذکرینه گویلوم اگرچه شایقدور / ولی بویرده خیالیم امام صادقدور" شعر شهادت امام جعفر صادق (ع) از مرحوم سیدرضا حسینی "سعدی زمان" +تصویر
شعر شهادت امام جعفر صادق ( ع ) از مرحوم سیدرضا حسینی سعدی زمان
حسین ذکرینه گوگلوم اگرچه شایقدور
ولی بو یرده خیالیم امام صادقدور
بلا بو رسمیدی اهل ولادن آیریلماز
اودور امام همیشه بلادن آیریلماز
دیوب بلایه بَلی یکسر عترت یاسین
خدا کلامیدی چون سینی یادن آیریلماز
بلا و محنت اسیری امام صادقه باخ
دوزر بلایه غم و ابتلادن آیریلماز
ایدوب او سروری خانه نشین بنی عبّاس
تقیّه محنتی اول مقتدادن آیریلماز
قویِیدیلر قالا آسوده کاش خانه نشین
گوروردولر که نماز و دعادن آیریلماز
جفا و جوریده منصور قویمادی نقصان
جهاندا رسمیدی ظالم جفادن آیریلماز
ایدوبدی صادق آل محمّدی مسموم
هوای مُلکی اولان بد هوادن آیریلماز
امام او زهریله اوز جدّینه اولوب ملحق
وصیّ ختم رسل مصطفادن آیریلماز
وصیّت ایتمیشیدی اوغلی ایتدی غسل و کفن
عمل وصیّته اول پیشوادن آیریلماز
جوار حضرت باقرده دفن ایدوب آتاسین
بالا محبّتینه باخ آتادن آیریلماز
بقیعیدن قلمیم کربلا اییی آلوری
بو قان اولان اورگیم کربلادن آیریلماز
اولوم حسینون او شش گوشه قبرینه قربان
حسین ده اکبر گُلگون قبادن آیریلماز
بیله گمان ایدورم ایمدیده یارالی باشین
آلوب دیز اوستونه اول مه لقادن آیریلماز
یارا چتیندی اگر اولسا گوز قباقینده
بو غم او خامس آل عبادن آیریلماز
باخاندا ایمدیده سسلر جوان اوغول ایوای
حسین ''حسینی'' بو آه و نوادن آیریلماز
#مرحوم_سیدرضاحسینی_سعدی_زمان
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.