"گوردی قدسیان جان ویرور حسین، گیزلنور نفس تازه قان گلور" شهادت حضرت امام حسین (ع) - قتلگاه از #مرحوم_سیدرضاحسینی_سعدی_زمان +تصویر

نوحه در شهادت حضرت امام حسین (ع) - قتلگاه 

از مرحوم #سیدرضا_حسینی_سعدی_زمان

 کتاب #چهارده_معصوم_حسینی

#صفحه 145

گوردی قدسیان جان ویرور حسین، گیزلنور نفس تازه قان گلور

العطش دیور شاه مشرقین اوخ ویران گیدور داش ویران گلور

گوردی قدسیان جان ویرور حسین، گیزلنور نفس تازه قان گلور

العطش دیور شاه مشرقین اوخ ویران گیدور داش ویران گلور

دسته دسته نیزه وران گیدور، ایلیوب هجوم اوخ آتان گلور

بیر نفر دیمور بو کومکسیزی بیر بیله جماعت ند‌ن ویرور

نه گناهی وار بو اوغولسوزون ، اشقیای  دور  زمن ویرور

قربتا" الی‌الله خیالی وار، هر گلن ویرور هر گیدن ویرور 

دسته دسته نیزه وران گیدور، ایلیوب هجوم اوخ آتان گلور

العطش دیور شاه مشرقیین، اوخ ویران گیدور، داش وران گلور

بیر سپهریدور  قانلی  پیکر‌ی ، وار یارالاریله    کواکبی

بیر یارالی قرخ مین نفر قوشون، گور بو  مطلبین وار تناسبی

ویرماق اوسته وحشی عر‌بلرین ،  بیربیرینه واردور  تعاقبی

ویرموری امـان قوم کوفیان، حرمله گید‌نده سنان گلور

 

شام وکوفه‌نین قان توکنلری  دور و برده چون حلقه‌ی  نگین

بیر یارالینین  دوره‌سین آلوب، دلده  اقتلو، الده تیغ کین

بو  هجومه وسعت ویریر مگر، قطعه قطعه بیر جسم  ناز‌نین

علتی بودور منتظر دوروب، شامیان گید‌یر، کوفیان گلور

 

جدّی خاتم‌الانبیا اید‌ر ، باشی اوسته قرآن تلاو‌تی

نه فلک ده افلاکیان گورور، کربلاده برپا قیامتی

رسمدور کی اوغلی اولنلره، هر گلن ویریر باش سلامتی

ویرماقا تسلّی پیمبره  ،  خلدیان گیدور، قدسیان گلور

فاطمه آچوب باشینی گلور، اوغلونون سیله قانلی گوز یاشین

قتلگهده امّا دورانموری، چون گورور کسور شمر اوغول باشین

خیمه دنده  زلفین یوزه سالوب، گورماقا گلور باجی قارداشین

قتلگاهه وار چوخ گلوب گید‌ن، زلف آچان گیدور، باش آچان گلور

 

فاطمه قیزی زینبین آلوب، دوره‌سین بلا مثل  دایره

وامحمدا دلده گه قاچار، قارداشی حسین جان ویر‌ن یره

گه گلور خیام امامته ، خوردا قیزلارا  تسلیت ویره

گیتماقی حزین، گلماقی غمین، باغریقان گیدور، خونفشان گلور

 

خیمه لر‌د‌ن علیا مکرمه، قتلگاهه بیر باش اولور روان

باشدا اللری، یوزده زلفلری، روحی مضطرب، جسمی ناتوان

قارداشا حمایت  اید‌نموری ،  امر ایدور قیت شاه  انس و جان

سرزنان قویور خیمه‌گاهه یوز، ناتوان گیدور، سرز‌نان گلور

مختلف خیالیله چوخلاری ایلوری تردد او مقتله

قبض روحه عزرائیل آختارور سالم عضوینی سالماقا اله

زینبی گلور جانفشانلیقا ، کسماقا باشین شمر و حرمله

عرصه ی قیامتدی قتلگه ، جانفشان گیدور جانستان گلور

وار حسین عزاخانه سینده چوخ شوکت و جلال، عزت و شرف

ظلم دور "حسینی" اوز عمرینی اوزگه یئرده، هر کس ائده تلف

باطناً ملک لر نزول ائدور کسب فیضه بو بزمه صف به صف

ظاهراً گورور بوردا اگلشن، روضه خوان گیدور نوحه خوان گلور

#سیدرضا_حسینی_سعدی_زمان