"دئسم قیامتیدی سوز غلطدی ، محشرده" احوالات حضرت امام موسی ابن جعفر الکاظم (ع)از مرحوم سعدی زمان
احوالات حضرت امام موسی ابن جعفر الکاظم (ع)از مرحوم سعدی زمان 💠💠
دیسم قیامتیدی سوز غلطدی، محشرده
او شورش و او فغان و او آه و زار اولماز
تصوّر ایله نه حاله قالور خانم بالالار؟
کبار رام اولی بیر نحویله، صغار اولماز
مُحَجَّبات ویروب سس سسه دیردی تمام
حسین! سنون کیمی بیر مهربان نگار اولماز
بیزی بو دشمن ایچینده قویوب هارا گیدوسن؟
سن اولماسان بیزه بیر کسدن انتصار اولماز
ولیّتُ ا... صغری، بتول نائبه سی
گوروب محبّت اولان یرده شرم و عار اولماز
یوگوردی قارداشینون بوینونا قولین سالدی
دیدی حسین منه بوندان صورا وقار اولماز
وقار و عزّت زینب بو چولده بیر سنسن
سن اولماسان داخی بو روح مستعار اولماز
سن اُلسن اهل جفا قیزلارون سویار یکسر
حیالی قیزلاریوا حایل عذار اولماز
اَلیوی قلبیمه قوی بلکه بیر دوتا آرام
بو غملریله گوگلده داخی قرار اولماز
گَلوب تکلّمه مظلوم امام ویردی جواب
خدا عزیزی، آنام باجی سوگوار اولماز
بونی اوزوم بُلورم من شهادته یِتسم
سیزون باشوزدا داخی چادر و خمار اولماز
شقیدی شمر، دیمز فاطمه قیزی زینب
جهازسیز دَوِیه باش آچوخ سوار اولماز
ولی گرک دوزه سن، باش آچوخ اسیر اولاسان
اسیر اولماسان اثبات کردکار اولماز
باشیم دولانماسا نوک جداده شهر به شهر
بابام شریعتی دنیاده پایدار اولماز
سنون اسارتون اِکمال ایدر شهادتیمی
اسارت اولماسا، حاصل مآل کار اولماز
شهادتیمده منه سن شریک اعظم سن
سن اولماسان منه بو کربلا مزار اولماز
سن اولماسان اود ایچینده یانار علیل اوغلوم
جهاندا حجّت اگر اولماسا مَدار اولماز
بالامی کوفه ده سن اولماسان ایده لّه شهید
منه بو عالم امکاندا یادگار اولماز
دونر کِنِشته مساجد، اذان اولار ناقوس
رواج مذهب اسلام زینَهار اولماز
گرک دمشقیده حقّیّتیم اولا ثابت
عبث گیرنده باشیم شامه سنگسار اولماز
گدای کوی حسین اولمیان حسینی یقین
گَلَنده محشره سلطان تاجدار اولماز
اَیا امام زمان صبریمیز تمام اولدی
اماندی گَل، بو قدر صبر و انتظار اولماز
#حسینی #سعدی_زمان
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.