بو نه عالمدی بابا سن یارالی من یارالی.
چهارشنبه, ۲۲ مهر ۱۳۹۴، ۰۳:۴۵ ب.ظ
بو دل شبده منی یاد الدون سن یارالی
بو نه عالمدی بابا سن یارالی من یارالی
گلموسن بو گجه وقتی قیزوی یاد اده سن
غملیدی غصه لیدی غصه دن ازاد ایده سن
غصه ویران الین کونلومی آباد ایده سن
اوون آباد اولا گل یاخشی گلیبسن یارالی
دولانیم باشوه من کیم سنی بو حاله سالیب
سنی بو حاله سالان تاب وتوان منن آلیب
بو باشوندور بابا جان بس بدنون هاردا قالوب
کسدی کیم باشوی تندن سر بی تن یارالی
کیم وروب دست ستمله بو گوزل باشه یارا
سن هارا یاره هارا من هارا ویرانه هارا
سن نجه گون کیمی باتدون ایله منده باتارام
سنون عشقونله بو عالملری گوزدن آتارام
کنج ویرانه ده قبریمده کفنسیز یاتارام
دییر عشاق جهان عشقیمه احسن یارالی.
عبدالله بنده خدا