"باشلاندی تکایـاده عَـزاسی شـهِ دینون" شعر از رجب جعفری زاویه خلخالی

شروع_محرّم_و_مناجات_مولا_هنگام_ورود_به_کربلا

قالب شعر :ترکیب بند

باشلاندی تکایـاده عَـزاسی شـهِ دینون

مظلوم آقامون؛ یعنی حُسَین اِبنِ عَلینون

زهرایه جگرگوشه ؛ اورَک بندی نَبینون

قاره گئیینوب اَگنینه عاشقـلـری یکسر

بـو آیـدا شهـیـد اؤلدی او دلبند پیمبر

تولاندی زمان؛گئچدی بیرایل؛گَلدی محرَّم

عشق اَهلی دوتا؛ عشق شهنشاهینَه ماتَم

قلبیمده ندندور چؤخالور غُصّه ایلَن غَم

اَیّــام عَــزاداری شـــاهِ شُــهَــدادور

یِئر؛گوی تؤکه گؤزیاشی صد اَلبتّه روادور

بو آیدا شهیـداؤلـدی حسین زادة زهرا

بو آیدا اولوب کرب و بلا ؛کرب و مُعَلاّ

اَهریمن اَلـیـلـَن کَسیلیب دستِ اَهـورا

بو آیدا اسیر اؤلـدی ستم پیشیه ؛ عادل

بو آیدا ایچوب شَهدُ سُخَن؛ زَهرِ هَلاهِل

گلدی آقامون موکبی چون کرب و بلایه

دقَّتله باخوبدور؛صورا اَل گوتدی دعایه

ذکر اِیلدی بِسمِ اللَّهیحَمدائتدی خدایه

عرض ایلدی: یا قادر و یا قاضی الحاجات

بو یِردی منه؛سعی و صَفا؛مَروه و میقات

دورَمده گؤرورسنهامی اَنصاریمییارب

عَـبّـاسیمی؛ شایسته علمداریمی؛ یارب

زینب باجیمی؛غم گونی غمخواریمی؛یارب

وار قافلم ایچره گـؤروسن اَکبـریم الله

زیبنده جـوان اَشبَـهِ پـیـغـمـبـریم الله

اهـلِ حَرَمیم جُملَه گَلوب کرب و بلایه

قربانلار اَیاق قؤیدیبوگون دشت منایه

درگاهـووَهدل آچدیم اَوَل حمد و ثنایه

باخ مشتریانه؛ سَن اوزون گؤر نَه لَریم وار

تَر غُنچَه مثالی بـالـاجـا سود اَمَریم وار

هرتک تکی طالبدی بـولار وَصلَتِ یاره

عـاشقـدیـلـه معشوقه ؛ رضا اَمرِ نگاره

وَصلَتدَن اِضافه نَدور عاشق لره چاره؟

سن هرنه اراده ائله سون بیز اونا تسلیم

تَر غُـنـچـه میده ایلیرم من سنه تقدیم

مَستَم مِیِ عشقونلـه سنون اِی حَقِ مَنّان

روحیم سنیلن باغلیوب اَوَّل گونی پیمان

قارداشلاریم؛اوغلانلاریم اؤلسون سنه قربان

پیمانیمیزین شرطی بودور تشنه وئرم جان

گوزلر هاموسی گؤزلیور اول لحظه نی هَر آن

سَن سَن مَنَه مَعبود و مَنَم تشنهی دیدار

سَن مَقصَد و مَقصود و مَنَم مَستِ رُخِ یار

عشقین یولوناعـاشق اِئـدَر جانینی ایثار

عاشور گـونی عشقیلن ایثاری گؤرَرسَن

سن اَکبری ؛ عبّاسِ علمداری گؤرَرسَن

آرزیم بودی لبتشنهچاتاموصل نگاره

قان ایچره؛اَتَکدَن باشا جسمیم اولا یاره

گوگدن یِئرهگونیاغدیراشدّتلَه حراره

عطشان لیقیمین شدّتینـی آرتیرا ایستی

یاده سالام اؤل لحظه ده پیـمـانِ اَلَستی

آگه سن اؤزون قلبیده دلداده لیگیمدن

وحشت یارادان ظالمه؛ایستادهلیگیمدن

باشاَگمَمیشَمظُلمَه من؛آزاده لیگیمدن

آزاده بـیـر اِنـسـانـم اِلهی بیلوسَن سَن

هیهات مِنَ الـذِِّلّهشـعـاریمدی اَوَلدن

قربانگه عاشقدی بـو یِئر کرب و بلادی

قُـربـانـلـارادشتِ طَرَب اَفزای مِنـادی

معراج دی ؛ مـیـدان عروج شُـهـدادی

معشوقی گرکراضی اِئدَه عاشق اوزوندن

عشقیله چکه اَل گئجه سیندن گونوزوندن

 رجب جعفری زاویه