"ای نازنین نگاریم ، ای دلبریم گل ایندی" شعر از علی میکائیلی متخلّص به "راضی"
يكشنبه, ۱۷ مرداد ۱۳۹۵، ۰۴:۳۱ ب.ظ
شعری برای امام زمان (عج) از علی میکائیلی
متخلّص به "راضی"
ای نازنین نگاریم ، ای دلبریم گل ایندی
چوخداندی یولدا قالمیش، بو گوزلریم گل ایندی
سنسیز صفا تاپیلماز، باغ و بهاریمیزدا
سن تکجه باغبانسان ، سن رهبریم گل ایندی
یوزدن (اوزدن) کناره بیر چک ، سن آیرلیق حجابین
رحمتده غرق اولونسین، قوی ائللریم گل ایندی
ذکرون شفا باغیشلار ،هر دیلده ازبر اولسا
من خسته سنسن اما، دیل ازبریم گل ایندی
بازار عشقه باخسون، مسلر قیزیل یرنده
ای خبره حق شناسیم، ای زرگریم گل ایندی
مین درده دوشمیشم من، بیر درده یوخ علاجیم
بیر بوغچا یغمیشام درد ،گلسون سَریم گل ایندی
سن گویده گونسن اما، من یرده اوچماق آرزیم
یوخ چارم الده سینمیش، بال و پریم گل ایندی
هجرانه "راضی" اولاّم ،امّید وصلیم اولسا
هجرانی قوی قوتولسین، تاج سریم گل ایندی
#علی_میکائیلی "راضی"
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.