"دوشموشم بـلایه گـل هرایـه قـارداش" شعر از استاد مرتضی فرهادی مراغـه ای متخلّص به ( فتا )
دوشموشم بـلایه گـل هرایـه قـارداش
جان ویرور وزیـرون گـل منایـه قـارداش
(اوخـلانـوب سو مشگیم گل)
(قان اولـوب سـرشـگیـم گل)
(یـالـقـوزام حسین جان)
(قولسوزام حسین جان )
قان آخور باشیمـدان قانلـی گـوزلـریمه
اوخ یاغـــــور هــوادن قـانلی پیکـریمه
دگـمـیــوب سـو والله،تـشـنـه لبـلـریمه
بـوسـه ویـــردی خنجــر باغلی اللریمه
گـل اوپـوم الـونـدن بـاخ وفـایه قـارداش
گل حسین بو چشم اشکبـاره بیر بـاخ
سـاقـی غـریب و شرمسـاره بیر بـاخ
پیکـریمـده زخـم بی شمـــاره بیر بـاخ
گــل ایـویـم یخلیـدی٬روزگـــاره بیرباخ
غـم یـاغـــور زمیـن نینــوایـه قـارداش
گل یامـــان گونیمــدی ای ولی سبحــان
سون نفسدی قارداش آز قالور ویرم جــان
گل ولی یول اوسته ای شه لب عطشـان
قـوللاریمی گورسـون اولما چـوخ پریشــان
خالی مشکی گورسون گل نوایـه قـارداش
باشیمـه حسین جــان یـاره چـوخ دگوبـدی
ساق گــوزیمـه قارداش اوچ پراوخ دگوبـدی
یـوخ سـوزیـم بـلا،هـر عاشیقـه گلـــوبـدی
مشـکیـمــه دگـن اوخ قـدّیمـی ایـــوبـدی
قــــوم اشـقیــــاده بـاخ جفــایــه قــارداش
ای وجـــودی مـظـهـــــر ذات ذولـجــلالــه
نـــــوکریوی گل گور سالــدیـلار نـه حـالـه
گوزلـــریمـه آی تک قـان ویـروبــدی هـالـه
آغـــــلاشـور ملـک لر لالـه گـون جـمـالـه
سنـده گـل بــو بــزم غـم فــزایـه قـارداش
شیریوی سـالـوبـلار دامــه گــل آمــانــدی
سینـدی قـول بوداغیم یـازگـونیم خزانــدی
نـاگــران گـــوزیمـدن گــوزیـاشیـم روانـدی
قتـلـگــاه عـــــشقـیـم ایلـه بیـر جنـانــدی
گــل آنـام گـــلوبــدی کـــربــلایـه قـارداش
سن بیلـه دیـردون کـه آنــــام جـــوانــدی
دادیمـــه گــــلوبــدی قـامـتی کـمانـدی
صــورتی سُولـوبدی چوخـدا باغـریقانـدی
گول یـوزین گـورنـده صبر ایویـم تــالانـدی
گــلمــوشـم اورگــدن آه و وایــه قـارداش
یوخــدی دادخــواهیــم٬یـار و یـاوریـم گـل
گل قالـوبـدی یولـدا قـانلی گـوزلـریـم گـل
باشیـمی کسوللر٬ یـوخـدی اللــریـم گـل
قطعـه قطعـه اولـــدی کُـل پیـکــریـم گـل
بـاشیمی سالـوبــلار مین بـلایـه قـارداش
پیکـریمــده قـارداش چـوخ جـراحـتـیـم وار
گل گـوریم جمالـون تـا کی فــرصتیـم وار
نـوکـــرم قـاپـونـدا٬شـأن و شـوکــتیـم وار
گـل سـنـه حـسیـنیـــم بیــر وصـیّتیـم وار
رونـــق بیــان ویــر سـن(فتـایــه)قــارداش
شعر از فرهادی مراغه ای ( فتا )
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.