"ای عرش وفرشه نازایلین آستانه سی" میلاد حضرت فاطمهٔ معصومه (س) شعر از استاد کلامی زنجانی

میلاد کریمهٔ اهلبیت حضرت فاطمهٔ معصومه (س)

      از استاد ولی الله کلامی زنجانی

ای عرش وفرشه نازایلین آستانه سی

وی بارگاهی لطف وکرامت خزانه سی

.

سن آسمان عصمته تابنده زُ هره سن

زهراعزیزی موسیِ کاظم نشانه سی

.

سنسن غریب طوسین اورک داغلی خواهری

معصومه آدلی فاطمه نین نازدانه سی

.

اهل کرم کریمه دیللر سنه خانم

باب بهشتیدورحرمون آستانه سی

.

اون سگیز ایل بو دهریده عمر ایلدون ولی

اولدون قیام آل علی پشتوانه سی

.

قم سنگر ولایت و اسلام نابیدور

ای بحر نور، رحمتیوین یوخ کرانه سی

.

هر کیم ئوپر او قبری دییر اِشفعی لَنا

قمدور همای معرفتین آشیانه سی

.

#استاد_کلامی_زنجانی

ــــــــــــــــــــــــــــــــــــــــــــــــــــ

ماخذ: پناه گاه کلامی 

سال انتشار: ۱۳۸۹

ــــــــــــــــــــــــــــــــــــــــــــــــــــ

#میلاد_کریمه_اهل_بیت 

#حضرت_فاطمه_معصومه 

#دهه_کرامت 

#شعر_آئینی 

#کلامی