"او گون که توکدوله قانین عزیز زهرانون" ذاکر مراغه ای.
#احوالات_حضرت_فاطمه_صغری س آمدن غراب
او گون که توکدوله قانین عزیز زهرانون
یتوب الوم خبری هر یره او سلطانون
بویادی قانیله بیر قوش او وقتده بال و پرین
مدینیه گتوروب اول شهین الوم خبرین
امام ایوینده او قوس گلدی قوندی دیواره
فغان و ناله سی یتدی سمع بیماره
ایشیتدی تا او سسی دختر امام حسین
ببر اوزگه حاله دوشوب بنت باکی العنلین
گوروب او مرغ پریشانی حضرت صغری
او غملو منظره دن آرتدی محنت کبری
ایکی گوزی خانمون دولدی اشگیله آلیله
خطاب ایدوب او قوشا بو زبانحالیله
ای مرغ پریشان نیه حسرت نظرون وار
یا کرب و بلادن گلوسن بیر خبرون وار
آخر گلوسن کرب وبلادن اگر ای قوش
گیزلتمه آتامدان منه ویر بیر خبر ای قوش
یول گوزلورم اخر من خونین جگر ای قوش
دیلنموسن آیا بو خبردن حذرون وار
یوخسا شهدا قاصدی سن قانه باتوبسان
من تک هامی دنیانی بو گون گوزدن آتوبسان
یثربده گلوب منزل صغرایه چاتوبسان
بیجا دگی غمخانه ی هجره گذرون وار
نه حالده گوردون عموم عباسی گلنده
نه واردی سنی الله سر سلطان زمنده
دوشدوم دیرم اکبرین هیچ یادینه منده
آیا خبری مندن او نور بصرون وار
#ذاکر_مراغه ای
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.