"ﺁﻧﺎﻡ ﺍﻭﻏﻠﯽ ﺑﻮﺳﻔﺮﺩﻥ ﺳﻨﻪ ﭼﻮﺥ ﺷﮑﺎﯾﺘﯿﻢ ﻭﺍﺭ"
ﺁﻧﺎﻡ ﺍﻭﻏﻠﯽ ﺑﻮﺳﻔﺮﺩﻥ ﺳﻨﻪ ﭼﻮﺥ ﺷﮑﺎﯾﺘﯿﻢ ﻭﺍﺭ
ﺩﯾَﺮَﻡ ﺍﺟﺎﺯﻩ ﻭﯾﺮﺳﻦ ﺩﯾﻤﻪ ﻟﯽ ﺣﮑﺎﯾﺘﯿﻢ ﻭﺍﺭ
ﺑﺎﺷﺎ ﻋﻬﺪﯾﻤﯽ ﯾِﺘﻮﺭﺩﻭﻡ ﻫﺎﻣﯽ ﻗﯿﺰﻻﺭﻭﻥ ﮔﺘﻮﺭﺩﻭﻡ
ﻧﯿﻪ ﮔﻠﻤﺪﯼ ﺭﻗﯿّﻪ ﺩﯾﻤﻪ ﻣﺎﻗﺪﺍ ﺧﺠﻠﺘﯿﻢ ﻭﺍﺭ
ﺩﯾﻤﺎﻗﺎ ﺍﻭ ﻣﺎﺟﺮﺍﻧﯽ ﺧﺠﻠﻢ ﻣﻦ ﺍﻭﺯ ﺍﻭﺯﯾﻤﺪﻥ
ﺑُﻠﻮﺳﻦ ﮐﻪ ﭼﻮﺥ ﺳُﻮَﺭﺩﯾﻢ ﺍﻭﻗﯿﺰﯼ ﺍﯾﮑﯽ ﮔﻮﺯﯾﻤﺪﻥ
ﻧﺠﻪ ﺍُﻟﺪﯼ ﺷﺮﺡ ﻭﯾﺮﺳﻢ ﺳﻨﻪ ﻏﻢ ﯾﺘﺮ ﺳﻮﺯﯾﻤﺪﻥ
ﺍﻭﺩﯼ ﻋﺎﺭﺿﯿﻤﺪﻩ ﺍﺷﮏ ﺗﺮﯾﻠﻪ ﺍﺷﺎﺭﺗﯿﻢ ﻭﺍﺭ
ﮔﻬﯽ ﻧﺎﻗﻪ ﺍﻭﺳﺘﻪ ﮔﺎﻫﯽ ﺑﺎﺷﻮﻥ ﺁﺭﺩﯾﺠﺎ ﭘﯿﺎﺩﻩ
ﺍﻭﺯﯾﻨﯽ ﯾِﺘﻮﺭﺩﯼ ﺷﺎﻣﻪ ﺍﻭ ﺍﺳﯿﺮ ﺩﻝ ﻓﺘﺎﺩﻩ
ﺩﯾﻤﺮﻡ ﺁﺟﯿﻨﺪﺍﻥ ﺍُﻟﺪﯼ ﻗﻮﺭﯼ ﯾِﺮﺩﻩ ﺷﺎﻫﺰﺍﺩﻩ
ﻫﻠﻪ ﺑﻮ ﯾﺎﺭﺍﻟﯽ ﺩﻟﺪﻩ ﻏﻢ ﺑﯽ ﻧﻬﺎﯾﺘﯿﻢ ﻭﺍﺭ
ﺍﻭ ﮔﺌﺠﻪ ﮐﻪ ﺟﺎﻥ ﻭﯾﺮﻭﺭﺩﯼ ﻣﻨﯽ ﯾﺎﻧﺪﻭﺭﻭﺏ ﯾﺎﺧﻮﺭﺩﯼ
ﺳﻮﺯﯾﻨﯽ ﺩﯾﻤﻮﺭﺩﯼ ﺍﻣّﺎ ﯾﻮﺯﻩ ﮔﻮﺯ ﯾﺎﺷﯽ ﺁﺧﻮﺭﺩﯼ
ﮔﻮﺯﯾﻨﯽ ﺩﻭﻻﻧﺪﻭﺭﻭﺭﺩﯼ ﺑﺎﻻ ﻗﯿﺰﻻﺭﺍ ﺑﺎﺧﻮﺭﺩﯼ
ﺑﻮﻧﯽ ﺁﻧﺪﻭﺭﻭﺭﺩﯼ ﺑﯿﺮ ﺁﺯ ﺳﯿﺰﻩ ﺭﻧﺞ ﻭ ﺯﺣﻤﺘﯿﻢ ﻭﺍﺭ
ﺑﺎﻻﻭﻭﻥ ﮔﻮﺯﯼ ﺁﺧﻮﺭﺩﯼ ﺍﻭﺯﯼ ﺍُﻟﻤﺎﻗﯿﻦ ﺑﻮﻟﻮﺭﺩﯼ
ﯾﻮﺯﻩ ﮔﻮﺯ ﯾﺎﺷﯿﻦ ﺍَﻟﯿﺮﺩﯼ ﻧﻪ ﺩﯾﻮﺭﺩﯼ ﻧﻪ ﮔُﻠﻮﺭﺩﯼ
ﺍﯾﻠﻪ ﺑﯿﺮ ﺣﻘﺎﺭﺗﯿﻠﻪ ﺍﻭ ﯾﺘﯿﻤﻪ ﻗﯿﺰ ﺍُﻟﻮﺭﺩﯼ
ﮐﻪ ﺑﯿﺎﻥ ﺣﺎﻟﻪ ﻗﺎﺭﺩﺍﺵ ﻧﻪ ﺗﻮﺍﻥ ﻧﻪ ﻃﺎﻗﺘﯿﻢ ﻭﺍﺭ
ﺑﺎﺷﻮﻥ ﺍﻭﻝ ﺯﻣﺎﻥ ﮐﻪ ﮔﻠﺪﯼ ﺍﻭﻧﺎ ﻭﯾﺮﺩﯼ ﺩﻝ ﻭﺻﺎﻟﻮﻥ
ﺑﺎﺷﯿﻨﺎ ﺳﻮﻭﻭﺭﺩﯼ ﺗﻮﭘﺮﺍﻕ ﺍﻭ ﮔﺌﺠﻪ ﻏﺮﯾﺐ ﻋﯿﺎﻟﻮﻥ
ﺑُﻠﻮﺭﻡ ﮐﻪ ﻣﻨﺪﻥ ﺁﺭﺗﻮﺥ ﺳﻨﻮﻥ ﺍﻭﻟﺪﯼ ﺍﺑﺘﻬﺎﻟﻮﻥ
ﺍﻭﺭﻩ ﮔﯿﻤﺪﻩ ﮐﯽ ﺷﺮﺭﺩﻥ ﺳﻮﺯﯾﻤﻪ ﺷﻬﺎﺩﺗﯿﻢ ﻭﺍﺭ
ﺍﻭ ﺑﺎﻻ ﺍُﻟﻮﻧﺠﻪ ﺍﯾﺘﺪﯼ ﺁﺩﻭﯼ ﺩﻟﯿﻨﺪﻩ ﺍﺯﺑﺮ
ﻗﻮﺭﯼ ﯾِﺮﺩﻩ ﺗﻮﭘﺮﺍﻕ ﺍﻭﺳﺘﻪ ﺍُﻟﻮﺭﻡ ﺩﯾﺪﯼ ﻣﮑﺮّﺭ
ﯾﺎﺭﺍﻟﯽ ﺑﺎﺷﻮﻥ ﺍﯾﺸﯿﺘﺪﯼ ﺍﻭ ﺑﺎﻻ ﺩﯾﺪﯼ ﻧﻪ ﺩﻟﻠﺮ
ﺍﻭ ﯾﺎﺭﺍﻟﯽ ﺩﻟﻠﺮﯾﻨﺪﻥ ﺳﻨﻪ ﺑﯿﺮ ﮐﻨﺎﯾﺘﯿﻢ ﻭﺍﺭ
ﺳﻮﺳﻮﺯﺍﻡ، ﺁﺟﺎﻡ ﺩﯾﺮﺩﯼ ﻗﻮﺭﻭﯾﻮﺑﺪﯼ ﺩﻝ ﺩﻭﺩﺍﻗﯿﻢ
ﺁﻟﻮﻧﻮﺑﺪﯼ ﮔﻮﺷﻮﺍﺭﻡ ﺑﺎﺑﺎ ﺑﻮﺵ ﻗﺎﻟﻮﺏ ﻗﻮﻻﻗﯿﻢ
ﮔَﺘﻮﺭﻭﺑﻠﻪ ﭼﻮﺥ ﭘﯿﺎﺩﻩ ﺍﻭﻟﻮﺏ ﺁﺑﻠﻪ ﺍَﯾﺎﻗﯿﻢ
ﺍَﯾﺎﻗﯿﻤﺪﺍ ﻗﺎﻧﻪ ﺑﺎﺧﺴﺎﻥ ﺑُﻠﻪ ﺳﻦ ﻧﻪ ﺣﺎﻟﺘﯿﻢ ﻭﺍﺭ
ﮔﻬﯽ ﺻﺪﻗﺪﻥ ﺩﺍﻧﯿﺸﺪﯼ ﮔﻬﯽ ﻣﻬﺮﯾﻠﻪ ﻭﻓﺎﺩﻥ
ﮔﻬﯽ ﺷﻤﺮﯾﺪﻥ ﺩﺍﻧﯿﺸﺪﯼ ﮔﻬﯽ ﺳﯿﻠﯽِ ﺟﻔﺎﺩﻥ
ﺍﯾﻠﻪ ﺩﻝ ﺩﯾﺪﯼ، ﺩﻝ ﺁﻟﺪﯼ ﻫﺎﻣﯽ ﺁﻝ ﻣﺼﻄﻔﺎﺩﻥ
ﺑُﻠﻮﺳﻦ ﺍﻭ ﺩﺭﺩ ﺩﻟﺪﻥ ﻫﻠﻪ ﺩﻝ ﺟﺮﺍﺣﺘﯿﻢ ﻭﺍﺭ
ﺩﯾﺪﯼ ﺁﻏﻼﺩﯼ ﯾﻮﺭﻭﻟﺪﯼ ﯾﺨﻮﻟﻮﺏ ﺻﺪﺍﺳﯽ ﺑﺎﺗﺪﯼ
ﻏﻢ ﻫﺠﺮﯼ ﺑﺎﺷﻪ ﻭﯾﺮﺩﯼ ﺷﺮﻑ ﻭﺻﺎﻟﻪ ﭼﺎﺗﺪﯼ
ﺳﻮﯾﻮﻻﻥ ﺍﺳﯿﺮﻩ ﻗﯿﺰﻻﺭ ﮔﻮﯾﻪ ﻧﺎﻟﻪ ﺳﯿﻦ ﺍﻭﺟﺎﺗﺪﯼ
ﮔﻮﺭﻩ ﺳﻦ ﻣﻨﯿﻢ ﺟﻬﺎﻧﺪﺍ ﻧﭽﻪ ﯾﻮﻝ ﻗﯿﺎﻣﺘﯿﻢ ﻭﺍﺭ
ﺍﯾﻠﻪ ﺑﯿﺮ ﻗﯿﺎﻣﺖ ﺍﻭﻟﺪﯼ ﮐﻪ ﻋﻘﻮﻟﯽ ﺍﯾﺘﺪﯼ ﻣﺒﻬﻮﺕ
ﭘﻮﺯﻭﻟﻮﺑﺪﯼ ﺍﻫﻞ ﻧﺎﺳﻮﺕ، ﺍﯾﺪﻭﺏ ﺁﻩ ﻭ ﻧﺎﻟﻪ ﻻﻫﻮﺕ
ﻧﻪ ﮐﻔﻦ ﺗﺎﭘﻮﻟﺪﯼ ﻗﺎﺭﺩﺍﺵ، ﻧﻪ ﺍﻭ ﻃﻔﻞ ﺯﺍﺭﻩ ﺗﺎﺑﻮﺕ
ﻧﻪ ﺗﺤﻤّﻞ ﺍﺳﺘﺘﺎﺭﻩ، ﻧﻪ ﺑﯿﺎﻧﻪ ﻗﺪﺭﺗﯿﻢ ﻭﺍﺭ
ﺑﻮ ﻣﻼﻟﯽ ﺩﻟﺪﻩ ﻗﺎﺭﺩﺍﺵ ﺁﭘﺎﺭﺍﻡ ﮔﺮﮎ ﻣﺰﺍﺭﻩ
ﺁﻧﺎﻣﺎ ﺩﯾَﻢ ﺑﻮ ﺩﺭﺩﯼ، ﮔَﻠﻪ ﻣﻦ ﺗﮏ ﺁﻩ ﻭ ﺯﺍﺭﻩ
ﺍُﻟﻪ ﺷﺎﻫﺰﺍﺩﻩ، ﺗﺎﺑﻮﺕ ﺍﻭﻻ ﻧﭽّﻪ ﺧﺸﺖ ﭘﺎﺭﻩ
ﮔﺮ ﺍُﻟﻮﺏ ﺣﻀﻮﺭﻩ ﯾِﺘﺴﻢ، ﺁﻧﺎﻣﺎ ﺷﮑﺎﯾﺘﯿﻢ ﻭﺍﺭ
ﻧﺠﻪ ﺗﺎﺏ ﺍﯾﺪﺭ ﺍﯾﺸﯿﺘﺴﻪ ﺑﻮ ﺳﻮﺯﯼ ﻋﻠﯽّ ﺍﮐﺒﺮ
ﺑﺎﺟﯿﺴﯽ ﮐﻔﻦ ﺳﯿﺰ ﺍُﻟﺪﯼ ﮐﻔﻦ ﺍﻭﻟﺪﯼ ﮐﻬﻨﻪ ﻣﻌﺠﺮ
ﻣﻦ ﺍﻭﺯﻭﻡ ﻣﺰﺍﺭ ﻗﺎﺯﺩﯾﻢ ﺍﻭ ﯾﺘﯿﻤﯿَﻪ ﺑﺮﺍﺩﺭ
ﮔﻮﺭ ﺍﯾﺪﻧﺪﻩ ﻏﻢ ﺗﻬﺎﺟﻢ ﻧﺠﻪ ﺍﺳﺘﻘﺎﻣﺘﯿﻢ ﻭﺍﺭ
ﯾﻮﺯﻩ ﮔﻮﺯﺩﻥ ﺁﺧﺪﯼ ﻗﻠﺒﯿﻢ ﻣﻨﯿﻢ ﺍﯼ ﻗَﺘﯿﻞُ ﺍﻟﻌَﺒﺮﻩ
ﺍﮔﯿﻠﻮﺏ ﯾﻮﺯﯾﻨﺪﻥ ﺍﻭﭘﺪﻭﻡ ﺑﺎﻻﻭﯼ ﻗﻮﯾﺎﻧﺪﺍ ﻗﺒﺮﻩ
ﻫﺎﻣﯽ ﻗﺎﻟﺪﯼ ﻣﺎﺕ ﻭ ﺣﯿﺮﺍﻥ، ﻣﻦِ ﺑﯿﻨﻮﺍﺩﻩ ﺻﺒﺮﻩ
ﻫﺎﻣﯽ ﺑﻮﻟﺪﯼ ﻧﻪ ﺷﻬﺎﻣﺖ ﻧﻪ ﺑﻠﻨﺪ ﻫﻤّﺘﯿﻢ ﻭﺍﺭ
ﺑُﻠﻮﺭﻡ ﺍُﻟﻨﺠﻪ ﯾﺘﻤﺰ ﻏﻢ ﻭ ﻣﺤﻨﺘﯿﻢ ﺗﻤﺎﻣﻪ
ﯾﺘﻮﺷﻨﺪﻩ ﺑﺎﺷﯿﻢ ﻋﻤﺮﯾﻢ ﯾﺘﻮﺷﺮ ﻏﻤﯿﻢ ﺧﺘﺎﻣﻪ
ﺑﺎﺟﻮﯼ ﺭﻗﯿّﻪ ﻓﮑﺮﯼ ﺁﭘﺎﺭﺍﺭ ﺩﻭﺑﺎﺭﻩ ﺷﺎﻣﻪ
ﺍﻭ ﺑﺎﻻﺩﺍﻥ ﺍﻭﺗﺮﯼ ﺑﯿﺮﺩﻩ ﺍﻭ ﺩﯾﺎﺭﻩ ﺭﺟﻌﺘﯿﻢ ﻭﺍﺭ
ﺑﻮ ﺩﯾﺎﺭﺩﻥ ﮔﯿﺪﻧﺪﻩ ﺍﯾﻠﻪ ﺳﺮﻭ ﻗﺪّﯾﺪﯾﻢ ﻣﻦ
ﮐﻪ ﻭﻭﺭﺍﺭﺩﯼ ﻃﻌﻨﻪ ﺳﺮﻭﻩ ﻗﺪﯾﻢ ﺍﯼ ﻋﺰﯾﺰ ﺫﻭﺍﻟﻤﻦّ
ﺑِﯿﻠﯿﻤﯽ ﺑﻮﮐﻮﺑﺪﻭﺭ ﺍﻣّﺎ ﺑﻮ ﺳﻔﺮﺩﻩ ﻇﻠﻢ ﺩﺷﻤﻦ
ﺩﻭﺭ ﺍﯾﺎﻗﻪ ﻗﺒﺮﺩﻥ ﮔﻮﺭ ﻧﻪ ﺧﻤﯿﺪﻩ ﻗﺎﻣﺘﯿﻢ ﻭﺍﺭ
ﻧﻪ ﺍﻭ ﺁﺑﺮﻧﮓ ﺯﯾﺒﺎ، ﻧﻪ ﺍﻭ ﻗﺎﻣﺖ ﺭﺳﺎ ﻭﺍﺭ
ﮔﯿﭽﻦ ﻋﻬﺪ ﺗﮏ ﺑﺎﺷﯿﻤﺪﺍ، ﻧﻪ ﺍﻭ ﺯﻟﻒ ﻣُﺸﮑﺴﺎ ﻭﺍﺭ
ﺁﻗﺎﺭﺍﻥ ﺑﺎﺷﯿﻤﺪﺍ ﺑﺎﺧﺴﺎﻥ ﺑُﻠﻪ ﺳﻦ ﻧﻪ ﻣﺎﺟﺮﺍ ﻭﺍﺭ
ﻫﺎﻣﯽ ﺷﺮﺡ ﻣﺎﺟﺮﺍﻧﯽ ﺩﯾﻤﺎﻗﺎ ﻧﺎ ﺣﺎﺟﺘﯿﻢ ﻭﺍﺭ
ﺑﺪﻧﻮﻥ ﮔﯿﺪﻧﺪﻩ ﺷﺎﻣﻪ، ﻗﻮﺭﯼ ﯾِﺮﺩﻩ ﮔﻮﺭﺩﻭﻡ ﻋﺮﯾﺎﻥ
ﻗﻮﯾﺎ ﺑُﻠﻤﺪﯾﻢ ﻣﺰﺍﺭﻩ ﻣﻦ ﺩﻝ ﻓﮑﺎﺭ ﻭ ﻧﺎﻻﻥ
ﺳﻨﻪ ﮐﯿﻢ ﺑﻮ ﻗﺒﺮﯼ ﻗﺎﺯﺩﯼ ﺑﻮ ﮔﻮﺯﻝ ﻣﺰﺍﺭﻩ ﻗﺮﺑﺎﻥ
ﺳﻨﯽ ﺑﯽ ﮐﻔﻦ ﮔﻮﺭَﻧﺪﻥ ﺑﻮ ﺣﯿﺎﺗﻪ ﻧﻔﺮﺗﯿﻢ ﻭﺍﺭ
ﺑُﻠﻮﺳﻦ ﺍﺳﯿﺮﯾﺪﯾﻢ ﻣﻦ، ﯾﻮﺧﻮﺩﯼ ﻣﻌﯿﻦ ﻭ ﯾﺎﻭﺭ
ﮐﻔﻦ ﺍﯾﻠﻤﺎﻕ ﺩﮔﻮﻟﺪﯼ ﻣﻦ ﺑﯽ ﮐﺴﻪ ﻣﯿﺴّﺮ
ﻧﻪ ﺍﻣﺎﻥ ﻭﯾﺮﻭﺭﺩﯼ ﻟﺸﮑﺮ، ﻧﻪ ﻗﻮﯾﻮﺭﺩﯼ ﺷﻤﺮ ﮐﺎﻓﺮ
ﮐﻪ ﻣﻦ ﺍﯾﻠﯿﯿِﯿﺪﯾﻢ ﺍﻇﻬﺎﺭ ﺍﻭ ﮐﻪ ﺩﻟﺪﻩ ﻧﯿّﺘﯿﻢ ﻭﺍﺭ
ﺑﯿﺰﯼ ﮐﻮﻓﯿﻪ ﺁﭘﺎﺭﺩﯼ ﻗﻮﻟﯽ ﺑﺎﻏﻠﯽ ﺍﻫﻞ ﮐﻮﻓﻪ
ﮔﯿﭽﻮﺏ ﺍَﻟﻔﺪﻥ ﺩﺍﯾﺎﻧﺪﯼ ﻏﻢ ﺍﻫﻞ ﺑﯿﺖ ﺍُﻟﻮﻓﻪ
ﻣﻪِ ﭼﺮﺥ ﺩﯾﻨﯽ ﮔﻮﺭﺩﻭﻡ ﺳﺎﻟﻮﺏ ﺍﻫﻞ ﮐﯿﻦ ﺧﺴﻮﻓﻪ
ﺩﯾﺪﯾﻢ ﺍﯼ ﻫﻼﻝ ﺯﯾﻨﺐ ﺳﻨﯿﻠﻪ ﺷﮑﺎﯾﺘﯿﻢ ﻭﺍﺭ
ﻧﻪ ﺭﻭﺍ ﺳﻨﻮﻥ ﺑﺎﺷﻮﻧﺪﺍ ﺍﻭﻻ ﺍﻭﻥ ﺍﯾﮑﯽ ﺟﺮﺍﺣﺖ
ﻗﺎﻻ ﻣﺤﻤﻞ ﺍﯾﭽﺮﻩ ﺍﻣّﺎ ﺑﺎﺷﯽ ﺯﯾﻨﺒﻮﻥ ﺳﻼﻣﺖ
ﺑﺎﺷﯿﻤﯽ ﯾﻮﻟﻮﻧﺪﺍ ﯾﺎﺭﺩﯾﻢ ﺑُﻠﻪ ﺍﯾﻠﯿﻦ ﺷﻤﺎﺩﺕ
ﻧﻪ ﻭﻓﺎﻟﯽ ﺑﺎﺟﯿﻢ ﻣﻦ، ﺳﻨﻪ ﻧﻪ ﻣﺤﺒّﺘﯿﻢ ﻭﺍﺭ
ﯾﺘﻮﺭﻭﺏ ﺯﯾﺎﺩﯾﻦ ﺍﻭﻏﻠﯽ ﺍﯾﻠﻪ ﻇﻠﻤﯿﻨﯽ ﺗﻤﺎﻣﻪ
ﮐﻪ ﻗﯿﺎﺱ ﺍﻭﻟﻮﻧﻤﺎﺯ ﺍﺻﻼ، ﺍﻭ ﺟﻔﺎ ﺟﻔﺎﯼ ﺷﺎﻣﻪ
ﻗﻮﻟﯽ ﺑﺎﻏﻠﯽ ﺣﺎﺿﺮ ﺍﯾﺘﺪﯼ ﺑﯿﺰﯼ ﺑﺰﻡ ﻋﯿﺶ ﻋﺎﻣﻪ
ﻣﻨﯿﻢ ﺍﯾﻠﻪ ﻣﺠﻠﺴﯿﻠﻪ ﮔﻮﺭ ﺍﻭﺯﻭﻥ ﻧﻪ ﻧﺴﺒﺘﯿﻢ ﻭﺍﺭ
ﻣﻨﯽ ﺩﺳﺖ ﺑﺴﺘﻪ ﮔﻮﺭﺩﯼ ﺩﻝ ﺁﭼﻮﺏ ﺍﯾﺪﻭﺏ ﺷﻤﺎﺩﺕ
ﺑﻮ ﺧﯿﺎﻟﻪ ﺩﻭﺷﺪﯼ ﺍﯾﺘﺴﻮﻥ ﻣﻦ ﺑﯽ ﮐﺴﻪ ﺟﺴﺎﺭﺕ
ﻭﻟﯽ ﺑُﻠﻤﺪﯼ ﮐﻪ ﻣﻨﺪﻩ ﻭﺍﺭ ﻋﻠﯽ ﮐﯿﻤﯽ ﺷﺠﺎﻋﺖ
ﻋﻤﻼً ﻣُﺒَﺮﻫَﻦ ﺍﯾﺘﺪﯾﻢ ﻧﺠﻪ ﺑﯿﺮ ﺷﺠﺎﻋﺘﯿﻢ ﻭﺍﺭ
ﻣﻨﯽ ﻗﺼﺪ ﺍﯾﺪﻭﺑﺪﯼ ﺩﻭﺭﺩﯼ ﺍﻭ ﻟﻌﯿﻦ ﮐﯿﻦ ﭘﺮﻭﺭ
ﺍﻭ ﺩﻭﺭﺍﻧﺪﺍ ﻣﻨﺪﻩ ﺩﻭﺭﺩﻭﻡ ﮐﻪ ﺩﻓﺎﻉ ﺍﯾﺪﻡ ﺑﺮﺍﺩﺭ
ﺑﺎﻻ ﻗﯿﺰﻻﺭﻭﻧﺪﺍ ﺩﻭﺭﺩﯼ ﺑﺎﺧﻮﺏ ﺁﻏﻼﺩﯼ ﮔﻮﺭَﻧﻠﺮ
ﺍﯾﻠﻪ ﺑﯿﺮ ﻗﯿﺎﻣﺖ ﺍﻭﻟﺪﯼ ﮐﻪ ﺑﯿﺎﻧﻪ ﻟُﮑﻨﺘﯿﻢ ﻭﺍﺭ
ﺍﯾﻠﻪ ﺁﺗﺸﯿﻦ ﺩﻟﯿﻠﻪ ﺍﻭﻧﯽ ﺍﯾﻠﺪﯾﻢ ﻣﺨﺎﻃﺐ
ﮐﻪ ﻋﺪﺍﻭﺗﯿﻠﻪ ﺍﻭﻟﺪﯼ ﺍﻭﺭَﮔﯽ ﺍﻭﻧﻮﻥ ﻟﺒﺎﻟﺐ
ﮔﻮﺭﻭﺏ ﺍﯾﺘﺪﯼ ﺧﻮﺍﺭ ﻭ ﺭﺳﻮﺍ ﺍﻭﻧﯽ ﺑﻮ ﺍﺳﯿﺮﻩ ﺯﯾﻨﺐ
ﺩﯾﺪﯼ ﺩﺧﺖ ﻣﺮﺗﻀﺎﯾﻪ ﻧﻈﺮ ﺳﯿﺎﺳﺘﯿﻢ ﻭﺍﺭ
ﺍﻭﺟﺎﻻﻧﺪﯼ ﻋﺮﺷﻪ ﭼﺨﺪﯼ ﺍﻭ ﮔﻮﻥ ﺍﻭﺭﺩﺍ ﺍَﻻَﻣﺎﻧﯿﻢ
ﮔﻮﺯﯾﻤﻪ ﻣﺠﺴّﻢ ﺍﻭﻟﺪﯼ ﻣَﻠَﮑﻪ ﺍﻭﻻﻥ ﺯﻣﺎﻧﯿﻢ
ﺻﺎﻕ ﺍﻭﻟِﯿﺪﯼ ﮐﺎﺵ ﺍﺑﻮﺍﻟﻔﻀﻞ ﺍﻭ ﮔﻮﻥ ﺍﯼ ﻋﺰیزجانیم
التماس دعا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.