"گتدی عمون سکینه جان،قانه بویاندی گلمه‌دی " استاد منزوی
گتدی عمون سکینه جان،قانه بویاندی گلمه‌دی
وردیگی اوز سو قولونا، سندن اوتاندی گلمدی
رزمده گوردو نظملن لشکرکفری صف به صف
شطّه گدیبدی شیر تک، وارث شهنه ی نجف
نهر فراتی اوّلین حمله ده
سو اله گلدی ایچمگه نفسی دایاندی گلمدی
چیخدی قوری دوداقیلن بیر سولی مشکیلن سودان
مکریله کسدی ساق سولون یاتدی کمینده کوفیان
چیخماقا نخلزاریدن دشمنی ورمدی امان
گتدی سو اوسته اللری، صبری تالاندی گلمدی
گوزد‌ن علاوه ساخلادی مشکین او شیرجان‌سپر
چوخ چالیشبردی مشکینه سینه‌سین ایلییه سپر
حیف اولا قانا دوندریب اشکینی ناوک سه‌پر
حالینه گوردومشکینین اشکی رواندی گلمدی
ایندی گوزومده عمرومون بیردی گجیله گوندوزو
بوپارا مشگید‌ن بوتون کشف اولو مطلبین دوزو
مشگیده اولمادی سویی گلمگه گلمدی یوزو
بوش الیلن قَییتمگی گوردو گیراندی گلمدی
بیر نفرین الینده کی جنگیده اولمادی کسر
هرقدمینده اون نفر آتلی قاباغینی کسر
گورمسه ال حریفده، قانلیلار ال چکر مگر
کسدیله چون قاباغینی رایی دولاندی گلمدی
تن به تن اولدو روبرو هر کس او پهلوانیلن
قورخمادی تیریلن وران، وردی داخی کمانیلن
صدمه یتیبدی باشینا گوزلری دولدو قانیلن
گوزدوتولوب گورنمه‌دی،خیمه هایاندی گلمه‌دی
گلشن آرزوده بیر گول بیتیر‌نمدیم قیزیم
قالدی الیم بلیمده من ال یتیرنمدیم قیزیم
بسکی بلیم شکستیدی تک گتیر‌نمدیم قیزیم
نی‌کیمی چوخ سیزیلدادیم قلبیده یاندی گلمدی
سرویدی من دیدیم دوشوب خول توکولوب خول اوستونه
قوللاری پیشوازیمه دوشموشدو یول اوستونه
قویدو سو اشتیاقینه بیرگوزایکی قول اوستونه
سوگینه راضی اولمادی آخدی جالاندی گلمدی
عموه ور خبر قیزیم نوحه ادین عزا قورون
دیلده سو آرزوسینه یکسره پشت پا ورون
اولدو وفالی قارداشیم خیمه‌سینی یغیشدیرون
شهپری شاهبازیمین چوخ یارلاندی گلمه‌دی
قالدی ستمله یا حسین «منزوی» چوخ فشاریده
مرجعی یوخ عدالتون بیر بله روزگاریده
قلبی یارالی شیعه‌لر قالدیلار انتظاریده
قان آلان اوغلون مگر وقتی هاچاندی گلمه‌دی؟
استاد منزوی اردبیلی.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.