"خزان اولسون گوروم گلزاری گلدن بلبل آیریلسون"
خزان اولسون گوروم گلزاری گلدن بلبل آیریلسون
ایاقدان سرو دوشسون شاخه سیندن سنبل آیریلسون
گوروم بلبل قزل گل شاخه سیندن ورماسون چه چه
بسان غنچه لال اولسون دلیندن خوش,دل آیریلسون
که پیغنمبرگلستانی خزان اولدی بهارینده
گل گلزار دین آچسون که حقدن باطل آیریلسون
ایله سولدی پیغنمبر گلشنی خندان اولان بیر گل
دونوب بیر گلستان اولدی اولوردی مین گل آیریلسون
اوخندان گللرایتدی ایله گلشن کربلا دشتین
اوگلشندن چتین هجران کشیده واصل آیریلسون
اودور کوچ ایلینده کربلادن شامه ال الله
کنار قتلهگدن ایستدی هر محمل آیریلسون
توکولدی قیز گلین عورت اوشاق شوریده بلبل تک
هره تاپدی گلون ایتسین وداع کامل آیریلسون
حرم بیر آشیانی اودلانان سر به زیر پر قوش تک
سیزیلداردی که اولسون شرح حاله قائل آیریلسون
عراقه شور سامیشدی حجازیلر نوائیله
حصار درد بیداد مخالفدن دل آیریلسون
آنالار اوغلونا آغلاردی باجی,قارداشا شاید
سر شگیله گوگولدن سوز نار نسگل آیریلسون.
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.