"جان قالمیوب بدنده فریاده گل حسینیم" حسین خدایی زنجانی.
🌷( حال احتضار حضرت زینب)🌷
جان قالمیوب بدنده فریاده گل حسینیم
زینب سنی گوزتلور امداده گل حسینیم
-------------------------------------------------
هرباجی جان وءرنده قارداشینی سراغلار
چون رسمیدی ءولنده ،قارداش باجیا آغلار
تک اولسا غربت اءلده بس کیم گوزونی باغلار
غربتده بو غریبی سال یاده گل حسینیم
من زینبم که دنیا غم وءردی من آپاردیم
دست قضا بلاده گل دردی من آپاردیم
قاره لچک باشیما کیم سردی من آپاردیم
یوخدی گلوب گیدن بو ماواده گل حسینیم
آماج محنت اولدی بو دلشکسته قارداش
اشگی توکر عذاره گل باشی اوسته قارداش
آزاد اولوب قفسدن بو پرشکسته قارداش
عباسیمیله باهم معناده گل حسینیم
هر گون منای عشقه زوار و حاجی واردی
سال زینبون خیاله غربتده باجی واردی
غم سینه ده مدالیم باشینده تاجی واردی
کشتی کیمی دوتولدوم دریاده گل حسینیم
غربتده کیمسه گلمیش بیماریوه یار اولماز
سن گر گلن عزایه غم مجلسیم خار اولماز
یولاری گوزلمم دای مرغ دلیم زار اولماز
گلدی اجل ، عزیز و دلداده گل حسینیم
شعر از (حسین خدایی زنجانی)
التماس دعا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.