ای لاله کیمى قانه باتان باش ، باجون اولسون" روضه قتلگاه.استاد ولی الله کلامی زنجانی.
سه شنبه, ۷ مهر ۱۳۹۴، ۱۱:۲۶ ق.ظ
ای لاله کیمى قانه باتان باش ، باجون اولسون/
آچ قانلو گوزون باخ منه قارداش ، باجون اولسون/
بیر باشداکى قارداش اولا اون یدى جراحت/
مطبخده کول اوسته یاتار آیا نجه راحت/
یاتدون نجه مطبخده سن اى شمس امامت/
اى ماه تمام، اول شبده ، نیه باتدون/
آخر یارالیدون ، کول ایچینده نجه یاتدون/
نه پراکنده سن ای فاطمنین ریحانی/
نیلیوم حیف الا یوخدور باجوین امکانی/
بیریره جمع ائلیم بو داغلان قرانی/
قانلی قران نه روادور قالا معبرده حسین/
خنجره بوسه وئرن حنجروه من قربان/
گل کیمی پر پر اولان پیکروه من قربان/
کسیلن بارماقوا اللروه من قربان/
سالم عضوین هانی بو یاره لی پیکرده حسین.
ولی الله کلامی زنجانی.
۹۴/۰۷/۰۷
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.