نهر فراته گوردولر سردار بی همتا گلور.
نهر فراته گوردولر سردار بی همتا گلور
الده علم حیدر کیمی بیر تشنه لب سقا گلور
بیر نحویله عزم ایلیوب سو آلماقا بی اختیار
ماه بنی هاشم اولوب یول اوسته گون تک آشکار
عازمدی فتح خیبره گویا ولی کردگار
کی مرحبی اولدورماقا میدانه بی پروا گلور
گورجک بو حالی یوز ویروب اهل جفایه اضطراب
بیر بی حیا یوز دوندروب ائتدی عمر سعد خطاب
امرون ندور بو باره ده وار لشگر ایچره انقلاب
باخ گور فرات اوسته نجه عباس رزم آور گلور
سعد اوغلی اولدی باخبر ظلم ستم دامین قوروب
قلب رسول اکرمه معناده بیر یاره وروب
حفظ فراته تازه دن بش مین سواره آرتوروب
باخموب عطشدن نالیه ذریه طاهاگلور
گلدی علی اوغلی اولوب چون کوفیانه روبه رو
فرمایش ائتدی شرم ایدون ای لشگر بی آبرو
یاندی عیال مصطفی یوخ خیمه ده بیر شربه سو
بو نهر سیراب اولماقا هر کافر و ترسا گلور
یوخسا فرات ای کوفیان مهریه زهرا دگول
یابو امام تشنه لب ذریه طاها دگول
یابو سوسوزلار عزت صدیقه کبری دگول
لشگر ایشیتمورسوز مگر فریاد واویلا گلور
آیاروادور بوسودان سیراب اولا گبر و یهود
آل علی عطشان قالا بو چولده ای قوم عنود
لب تشنه لردن ائیلیه ناله سماواته صعود
فریاده بو اوضاعیدن انسیه حورا گلور
حجاجین اوغلی سویلدی ای زاده شیرخدا
هرگز حسینه ویرمروخ دنیایوزون گرسو دوتا
سو هر نقدری بیزده دور ممکن دگول سیراب اولا
بوندان علاوه ایلروخ فکره نه کی ایذا گلور
مختاریدور ایتسون قبول آخر ایکی امرین بیرین
یاراضی اولسون بیعته تاکسمه سونلر اللرین
یااینکه پامال ایلسون والی شامین لشگرین
بو گفتگودن نالیه دنیا ومافیها گلور
فرمایش ائتدی حضرت عباس او دریای کرم
یاخشی بیلر تاج سریم من بیعت امرین بولمرم
اماصفوف لشگری بیر آندا پامال ایلرم
باک اتمرم موجه قوشون هرچند چون دریا گلور
بی اعتنا بیر حمله ده سمت فراته یول آچوب
به به -لشگر هامی روبه صفت سیرین قاباقیندن قاچوب
نهر آلوب اشراریدن دین بیرقین اوردا ساچوب
گوردی فراتی موج ایدور مثل یم عظما گلور
گورجاق فراتون موجینی اول خسرو گردون مدار
دولدوردو اوجون ایسته دی ایچسین سودان بی اختیار
حسرتله بیر باخدی سویا سویلوبدی اول ای نفس خوار
مهر عالمینده مقصدون گور مهریله همتا گلور
سن سو ایچرسن قارداشون اما عطشدن اودلانور
سوز عطشدن اود دوتوب صد پاره دیلر دوغرانور
خیردا اوشاقلار اوت دوتوب سوز حرارتدن یانور
شور نوایه گورموسن اطفال مه سیما گلور
راه مواساتی دوتوب اوز نفس پاکین سچمدی
قارداشینی یاد ایله دی رسم وفادن گچمدی
اوجون بوشاتدی دولدوروب مشگین سو اما ایچمدی
لب تشنه دریادن چخوب ماه جهان آرا گلور
سمت خیامه آت سالوب اول سیدعالی نسب
ناگه خبردار اولدولار بو امر گرگان عرب
دورت بیر طرفدن ائتدیلر حمله گروه بی ادب
چون گوردولر الده دوتوب شمشیر برق آسا گلور
باک ایتمیوب اصلا اودم یوز دوندروبدور لشگره
گویا آجیقلی شیریدی بیر حمله ایتدی صفلره
لشگر پراکنده اولوب صفلر قاریشدی بیر بیره
دنیاده بیله نامور گور فکریوه آیا گلور؟
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.