"عم اوغلی گیتمه کناره منیم کناریمدن" زبانحال حضرت زهرا در بستر بیماری به حضرت علی (ع)من کلام حاج حیدر شبگرد (خوندل)
زبانحال حضرت زهرا در بستر بیماری به حضرت علی علیه السلام من کلام حاج حیدر شبگرد (خوندل)
حاج ابراهیم رهبر
روضه حضرت زهرا فاطمیه 95
عزاداری خیابانی هیئت جان نثاران اباعبدالله الحسین تبریز
روز شهادت
عم اوغلی گیتمه کناره منیم کناریمدن
چوخ آز زمان قالری عمر مستعاریمدن
منه یقیندی یتوب غملو گونلریم باشه
سنه عیاندی سوزوم حال احتضاریمدن
بلالی باشیمی آل لطفیله دیزون اوسته
سرشگ آلیمی سیل چشم اشگباریمدن
گوزوم یوزونده عم اوغلی باشیم دیزون اوسته
بو غملی وقتی اولوم اد بو نظاریمدن
بو مدتی که اوزوم بستری مریضم من
سیزیلتیم عرشه چیخوب بو دل فکاریمدن
دویوب حیاتیدن ئوز مرگیمی گیجه گوندوز
اورکدن ایستمیشم حیّ کردگاریمدن
یتشموشم من او مقصوده آز قالور روحوم
کسه علاقه سینی بو تن نزاریمدن
عم اوغلی ایستورم آخر نفسده عرض ایلیم
حضور پاکوه ایّام ناگواریمدن
چکنده ثانی سنی قولی باغلی
دیمه مضایقه ایتدیم ئوز انتصاریمدن
باشاردیقیم قدری ایلدیم کمک لیق او گون
سنون یولوندا من ال چکدیم ئوز وقاریمدن
ئوز اختیاریمله ال گوتورمدوم سندن
ئوزون که مطّلع اولدون مآل کاریمدن
او قدر ویردی منه تازیانه قنفذ دون
عنان صبر منیم چیخدی اختیاریمدن
عم اوغلی آیرلیق هنگامیدور داخی ئولورم
بو گون الیم ئوزولور سندن اهل داریمدن
عمل ایله او وصیّتلری که ایلمیشم
مباد انجیسن رنج بی شماریمدن
گیجیله قیل منه غسل و کفن گیجه وقتی
مزاره قوی بابامی قورتار انتظاریمدن
منی گر ایستسه گویلون مزاریم اوستونه گل
حسینه ده دی ایاق چکمسون مزاریمدن
چمنده گورسن اگر بیر گلی سولوب سارالوب
منیده یادیوه سال بو سولان عذاریمندن
او داغ دلْ دگی، لاله آلوب اورک باشینا
او بیر نشانه دی بو قلب داغداریمدن
بنفشه بی سبب اولموبدی سر بدوش و غمین
اونا موثر اولوب درد و انکساریمدن
او اهل دل که گورر قبریمی منیم گیزلین
اولار که حالی اولا درد آکاریمدن
بیر عمر من سنه راحتلیقی حرام ایلدیم
صباح و شام چیخان عرشه آه و زاریمدن
او حالیمین سببین آلموسان خبر مندن
دیمه میشم واریدی عذروم اختباریمدن
چون ایستمزدیم اولا خاطرون ملول و غمین
بولنمین محن و تیره روزگاریمدن
سیزیلدادوب منی چوخ آغلادان یقین بوله سن
ویرنده غسلومی بو صدر زخمداریمدن
من کلام حاج حیدر شبگرد (خوندل)
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.