شهادت حضرت امام حسن عسگری (ع) از استاد کریمی مراغه ای

ترک ائدوب مظلوم آتان دنیانی یا صاحب زمان

قورتولوب زندان غمدن جانی یا صاحب زمان

معتمد ظالم سنی بیر عمر مهموم ایلدی

جدوین حقین الیندن آلدی مظلوم ایلدی

عاقبت وئردی او شاهه زهر،مسموم ایلدی

اوج ائدوبدور گویلره افغانی یا صاحب زمان

 

جمع ائدوب اعیان شهری مکریله اوز باشینه

جدیوی گلدی عیادت ائتماقا اوز باشینا

آچدی باشین ظاهرا رخصت وئروب گوزیاشنه

کیم گوروب بو حیله ی شیوانی یا صاحب زمان

 

گوزلرین آچدی امام عسگری زارو حزین

صاق صولا باخدی گوروب اوزباشی اوسته قاتلین

چکدی بیر آه آغلادی کشف ائتمدی درد دلین

دولدوروبدور دیده گریانی یا صاحب زمان

 

یادیمه دوشدی بو یئرده بیر مؤثر غائله

بیر امامینده گوزی دوشدی ئولنده قاتله

اود دوتوب یانام ئولونجه آغلارام بو نسگله

یاده سالدوقجا شه عطشانی یا صاحب زمان

 

شمر ظالم دلده کینه الده تیغ پرشرار

صدر مکسور حسینه چیخدی ائتموب ننگ وعار

سنگدل دشمن،آغیرچکمه،سوسوز هم زخمدار

لرزه دوتدی عالم امکانی یا صاحب زمان

 

شه گوروب سینه آغیرلاشدی دوشوب تنگه نفس

مرغ دل دوشدی فشاره آز قالور سینسین قفس

گوزلرین آچدی دئدی خوش گلمیسن ای بولهوس

عشقه باخ گور عاشق شیدانی یاصاحب زمان

 

یاخشی گلدون،گل بو غمدن راحت ایله جانیمی

باشیمی تئز کس یتور تکمیله بو نقصانمی

شکرلله زنده ائتدیم قانله قرآنیمی

بیر او قاندور ساخلیان قرآنی یا صاحب زمان

 

باغریمیز قان اولدی بو محنتده یابن العسگری

شیعه نین شاها نقدری عجّل اولسون ازبری

اهل حق قالمیش شماتتده اولوب باطل جری

دولدوروب جور وجفا دنیانی یا صاحب زمان

از استاد کریمی مراغه ای